ເປັນໂຄງການບໍ່ແຮ່ທີ່ໃຫຍ່ທີ່ສຸດຂອງຫວຽດນາມ ເຊັນສັນຍາແລ້ວທີ່ເມືອງດາກຈຶງ ແຂວງເຊກອງ


ພິທີເຊັນສັນຍາລະຫວ່າງ ລັດຖະບານລາວ ແລະ ບໍລິສັດ ຫຸ້ນສ່ວນ ກຸ່ມລົງທຶນຫວຽດເຟືອງ (ສສ ຫວຽດນາມ) ວ່າດ້ວຍການຂຸດຄົ້ນ ແລະປຸງແຕ່ງ ແຮ່ບອກໄຊຕ໌ ແລະສ້າງຕັ້ງໂຮງງານຜະລິດ ອາລູມີນາ (ຮູບພາບ: VNA/VNS)

ສຳນັກຂ່າວຫວຽດນາມໄດ້ລາຍງານວ່າ ໃນວັນທີ 11 ກັນຍາ ທີ່ຜ່ານມາ ລັດຖະບານລາວ ແລະ ບໍລິສັດ ຫຸ້ນສ່ວນ ກຸ່ມລົງທຶນຫວຽດເຟືອງ (ສສ ຫວຽດນາມ) ໄດ້ມີພິທີເຊັນສັນຍາ ວ່າດ້ວຍການຂຸດຄົ້ນ ແລະປຸງແຕ່ງ ແຮ່ບອກໄຊຕ໌ (Bauxite) ແລະສ້າງຕັ້ງໂຮງງານຜະລິດ ອາລູມີນາ (Alumina) ຢູ່ເຂດເມືອງດາກຈຶງ ແຂວງເຊກອງ ສປປ ລາວ

ດ້ວຍການລົງທຶນ ປະມານ 650 ລ້ານໂດລາສະຫະລັດ ເຮັດໃຫ້ໂຄງການນີ້ ເປັນໂຄງການລົງທຶນໃນດ້ານອຸດສາຫະກຳບໍ່ແຮ່ໃນລາວ ທີ່ໃຫຍ່ທີ່ສຸດຂອງຫວຽດນາມ 

ໂຄງການນີ້ຕັ້ງຢູ່ ເມືອງດາກຈຶງ ແຂວງເຊກອງ ກວມເອົາພື້ນທີ່ດິນເກືອບ 100 ຕາລາງກິໂລແມັດ (sq.km) ເປັນສ່ວນໜຶ່ງຂອງ roadmap ໃນການຈັດຕັ້ງປະຕິບັດ ຂໍ້ຕົກລົງ ການຮ່ວມມືທາງດ້ານ ເສດຖະກິດ, ວັດທະນະທຳ-ສັງຄົມ ແລະ ວິທະຍາສາດ-ເຕັກນິກ ລະຫວ່າງ ລັດຖະບານລາວ ແລະລັດຖະບານຫວຽດນາມ

ບໍ່ພຽງແຕ່ສອດຄ່ອງກັບແຜນພັດທະນາ ເສດຖະກິດ-ສັງຄົມ ແລະ ການຂະຫຍາຍຕົວຂອງພື້ນຖານໂຄງລ່າງທີ່ກ່ຽວຂ້ອງ ໃນທ້ອງຖິ່ນທີ່ກ່ຽວຂ້ອງ ເທົ່ານັ້ນ ແຕ່ຍັງຊ່ວຍໃນການຮັບປະກັນໃນເລື່ອງຂອງ ການປ້ອງກັນແລະຄວາມປອດໄພ ໃຫ້ແກ່ພື້ນທີ່ທີ່ມີ ແຮ່ບອກໄຊຕ໌ ໂດຍສະເພາະຢູ່ແຂວງເຊກອງ ແລະໃນພື້ນທີ່ການເຊື່ອມຈອດເສດຖະກິດ ກຳປູເຈຍ-ລາວ-ຫວຽດ (Cambodia – Laos – Vietnam Development Triangle Area: CLV DTA) ອີກດ້ວຍ

ໃນພິທີເຊັນສັນຍາ ທ່ານ ນາງ ເຟືອງ ມິນ ເຫວ້ ຜູ້ອຳນວຍການ ບໍລິສັດ ຫຸ້ນສ່ວນ ກຸ່ມລົງທຶນຫວຽດເຟືອງ ໄດ້ສະແດງຄວາມຂອບໃຈມາຍັງອຳນາດການປົກຄອງຕ່າງໆຢູ່ລາວ ແລະຢູ່ແຂວງເຊກອງ ທີ່ໄດ້ໃຫ້ການສະໜັບສະໜູນບໍລິສັດຂອງເພິ່ນ ຕະຫຼອດໄລຍະເວລາ 10 ປີທີ່ຜານມາ ໃນການເຮັດໃຫ້ ການເຊັນສັນຍາດັ່ງກ່າວ ລະຫວ່າງບໍລິສັດຂອງເພິ່ນ ກັບລັດຖະບານລາວ ປະສົບຜົນສຳເລັດໄປດ້ວຍດີ

ທ່ານ ນາງ ເຟືອງ ມິນ ເຫວ້ ກ່າວວ່າ ການຈັດຕັ້ງປະຕິບັດໂຄງການນີ້ຢ່າງປະສົບຜົນສຳເລັດ ຈະຊ່ວຍຊຸກຍູ້ການພັດທະນາເສດຖະກິດຂອງລາວ ແລະຊ່ວຍໃນການເພີ່ມສັດສ່ວນອຸດສາຫະກຳໃນເສດຖະກິດທ້ອງຖິ່ນ ແລະພັດທະນາອຸດສາຫະກຳໃນປະເທດ ເຮັດໃຫ້ປະເທດມີຄວາມທັນສະໄໝ

ພ້ອມດຽວກັນນີ້ ທ່ານ ນາງ ເຟືອງ ມິນ ເຫວ້ ຍັງໄດ້ຂໍໃຫ້ ພັກ, ລັດ ແລະ ປະຊາຊົນລາວ ໃຫ້ການສະໜັບສະໜູນເພີ່ມຕື່ມ ໃນການຈັດຕັ້ງປະຕິບັດໂຄງການນີ້ ພ້ອມທັງໄດ້ໃຫ້ຄຳໝັ້ນສັນຍາວ່າ ດ້ວຍປະສົບການແລະຄວາມສາມາດຂອງບໍລິສັດ ບໍລິສັດຈະສາມາດຈັດຕັ້ງປະຕິບັດໂຄງການນີ້ໄດ້ຢ່າງປະສົບຜົນສຳເລັດ ທັງນີ້ ກໍເພື່ອຊ່ວຍໃນການຈັດຕັ້ງປະຕິບັດ ໂຄງການຮ່ວມມືພັດທະນາເສດຖະກິດ-ສັງຄົມ ແລະທັງເປັນການເສີມສ້າງສາຍພົວພັນແບບພິເສດ ລະຫວ່າງສອງຊາດລາວ-ຫວຽດນາມ

ຖ້າເປີດດຳເນີນງານ ໂຄງການນີ້ຈະຊ່ວຍສ້າງວຽກເຮັດງານທຳຫຼາຍພັນວຽກງານ ໃຫ້ແກ່ປະຊາຊົນຊາວທ້ອງຖິ່ນ ໂຄງການນີ້ ຍັງຈະໄດ້ໃຫ້ເງິນຊ່ວຍເຫຼືອຫຼາຍລ້ານໂດລາ ໃນແຕ່ລະປີ ແກ່ກອງທຶນທ້ອງຖິ່ນ ທ່ານ ນາງ ເຟືອງ ມິນ ເຫວ້  ກ່າວ

ຮຽບຮຽງ: khianlao.com


ໂພສຕ໌ນີ້ຖືກໃຈຢູ່ບໍ່? ແບ່ງປັນໃຫ້ເພື່ອນໄດ້ຮູ້ນຳແນ່!

ການຕອບຮັບຂອງທ່ານຕໍ່ໂພສຕ໌ນີ້ເປັນແນວໃດ?

ໃຈຮ້າຍ ໃຈຮ້າຍ
0
ໃຈຮ້າຍ
ບໍ່ມັກ ບໍ່ມັກ
0
ບໍ່ມັກ
ຕາຢ້ານ ຕາຢ້ານ
0
ຕາຢ້ານ
ຮ່າຮ່າຮ່າ ຮ່າຮ່າຮ່າ
0
ຮ່າຮ່າຮ່າ
ໜ້າຮັກ ໜ້າຮັກ
0
ໜ້າຮັກ
ບໍ່ຜ່ານ ບໍ່ຜ່ານ
0
ບໍ່ຜ່ານ
ເສຍໃຈ ເສຍໃຈ
0
ເສຍໃຈ
ປາຕິໂທ໊! ປາຕິໂທ໊!
1
ປາຕິໂທ໊!
ອີຫຍັງຫວະ ອີຫຍັງຫວະ
0
ອີຫຍັງຫວະ
ຮັກເລີຍ ຮັກເລີຍ
0
ຮັກເລີຍ
ສັບສົນ ສັບສົນ
0
ສັບສົນ
ດີໃຈ ດີໃຈ
0
ດີໃຈ
ເສົ້າ ເສົ້າ
0
ເສົ້າ
ແຊບ ແຊບ
0
ແຊບ
ຮ່າເອີຍ ຮ່າເອີຍ
0
ຮ່າເອີຍ
ຖືກໃຈ ຖືກໃຈ
0
ຖືກໃຈ
ຮ່າຈົນເຈັບທ້ອງ ຮ່າຈົນເຈັບທ້ອງ
0
ຮ່າຈົນເຈັບທ້ອງ
ຜ່ານໄດ້ ຜ່ານໄດ້
0
ຜ່ານໄດ້
Sithon999

ນັກໂພສຕ໌ອັນດັບ 1

ສະແດງຄຳຄິດເຫັນຂອງທ່ານຜ່ານເຟສບຸ໊ກ

ຄຳເຫັນ

ຄຳຄິດເຫັນ

ເມລຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້

error:
ເລືອກຮູບແບບໂພສຕ໌
Quiz ທົດສອບຄຸນລັກສະນະ
ສ້າງຄຳຖາມທີ່ຫຼາກຫຼາຍເພື່ອທວຍໃຈ
Quiz ທົດສອບປັນຍາ
ສ້າງຄຳຖາມທີ່ຫຼາກຫຼາຍເພື່ອທວຍປັນຫາ
ແບບສຳຫຼວດ
ສ້າງແບບສຳຫຼວດເພື່ອເອົາຂໍ້ມູນຈາກການໂຫວດ
ໂພສຕ໌ທົ່ວໄປ
ສາມາດໃສ່ຮູບແບບໂພສຕ໌ໄດ້ຫຼາກຫຼາຍ
ໂພສຕ໌ແບບຈັດອັນດັບ (1)
ໂພສຕ໌ແບບມີຫົວຂໍ້ຕົວເລກຈັດອັນດັບ
ແບບຈັດອັນດັບຖອຍຫຼັງ
ໂພສຕ໌ແບບມີຫົວຂໍ້ຕົວເລກຈັດອັນດັບຖອຍຫຼັງ
ໂພສຕ໌ແບບຈັດອັນດັບ (2)
ໂພສຕ໌ແບບຈັດອັນດັບ ມີໂຫວດ ສະແດງຄຳເຫັນ
ວິດີໂອ
ໃສ່ວິດີໂອຈາກ Youtube, Facebook, Vimeo