ນະຄອນພະນົມຍຶດກັນຊາເກຣດເອ ຂົນປົນມາກັບຂີ້ງົວຈາກປະເທດລາວ ກວ່າ 300 ກິໂລ ມູນຄ່າບໍ່ຕ່ຳ 6 ລ້ານບາດ


ຂ່າວໄທລາຍງານວ່າ ເມື່ອເວລາ 15.45 ໂມງ ຂອງວັນທີ 6 ພະຈິກທີ່ຜ່ານມາ ເຈົ້າໜ້າທີ່ທີ່ກ່ຽວຂ້ອງ ຈັງຫວັດນະຄອນພະນົມ ຍຶດກັນຊາໄດ້ຢູ່ບໍລິເວນຊຸມຊົນໃກ້ແຍກຕະຫຼາດສົດ ອຳເພີທ່າອຸເທນ ຕຳບົນທ່າອຸເທນ ຈັງຫວັດນະຄອນພະນົມ.

ກັນຊາທີ່ຍຶດໄດ້ ຂົນບັນທຸກໃສ່ເທິງລົດກະບະປ້າຍທະບຽນໄທ ກຸງເທບມະຫານະຄອນ ເຈົ້າໜ້າໄດ້ສະກັດກັ້ນເອົາໄວ້ໄດ້ ສ່ວນຄົນຂັບລົດໄດ້ປະຖິ້ມລົດຫຼົບໜີໄປ ຈາກການກວດສອບທ້າຍລົດກະບະ ພົບຜ້າສີນ້ຳເງິນປົກປິດໄວ້ ເມື່ອເປີດອອກເບິ່ງ ພົບກະສອບປຸ໋ຍຂີ້ງົວເຕັມລົດ ກວດສອບເປັນບາງສ່ວນ ພົບມີກັນຊາບີບອັດເປັນແທ່ງຈຳນວນ  300 ແທ່ງ ປົນມານຳ ແທ່ງລະປະມານ 1 ກິໂລ ລວມທັງໝົດປະມານ 300 ກິໂລ ບັນຈຸໃສ່ໃນກະສອບປຸ໋ຍຂີ້ງົວຈຳນວນ 8 ກະສອບ ຈຶ່ງຍຶດໄວ້ເປັນຫຼັກຖານ.

ກ່ອນໜ້ານີ້ ໄດ້ມີລາຍງານວ່າ ຈະມີຂະບວນການລັກລອບຂົນຢາເສບຕິດຂ້າມຊາດຂົນເອົາກັນຊາຈາກປະເທດເພື່ອບ້ານ ເຂົ້າມາພັກໄວ້ໃນພື້ນທີ່ຈັງຫວັດນະຄອນພະນົມ ກ່ອນສົ່ງຕໍ່ໄປຂາຍໃນຕອນໃນຂອງປະເທດໄທ ຈົນໃນທີ່ສຸດເຈົ້າໜ້າທີ່ມາຍຶດໄດ້ຢູ່ບໍລິເວນດັ່ງກ່າວ.

ເຈົ້າໜ້າທີ່ເຊື່ອວ່າ ກັນຊາດັ່ງກ່າວເປັນກັນຊາຄຸນນະພາບດີ ຫາກໍເກັບກ່ຽວມາໃໝ່ໆ ມີລາຄາຊື້ຂາຍກັນຕາມບໍລິເວນຊາຍແດນສູງເຖິງ ກິໂລລະປະມານ 5,000 ບາດ ເມື່ອສົ່ງຂາຍຢູ່ຕອນໃນຂອງປະເທດໄທຈະມີລາຄາສູງປະມານ 20,000 ບາດ ລວມມູນຄ່າຂອງກາງບໍ່ຕ່ຳກວ່າ 6 ລ້ານບາດທີ່ຍຶດໄດ້ໃນຄັ້ງນີ້ ເຊິ່ງເຈົ້າໜ້າທີ່ຈະໄດ້ເລັ່ງກວດກອບຂະຫາຍຜົນຕິດຕາມຫາທີ່ມາ ເພື່ອຈັບກຸມຜູ້ກະທຳຜິດມາດຳເນີນຄະດີຕາມກົດໝາຍຕໍ່ໄປ.

ນອກຈາກນີ້ ເຈົ້າໜ້າທີ່ໄທຍັງຈະໄດ້ເພີ່ມຄວາມເຂັ້ມງວດບໍລິເວນຊາຍແດນ ເນື່ອງຈາກຊ່ວງນີ້ເປັນຊ່ວງລະດູເກັບກ່ຽວ ຈຶ່ງມີການຈັບກຸມແລະຍຶດຂອງກາງໄດ້ຫຼາຍຄັ້ງ ເມື່ອອາທິດກ່ອນ ກໍໄດ້ມີການຍຶດກັນຊາໄດ້ກວ່າ 1 ຕັນ ແລະໃນຊ່ວງຕົ້ນປີນີ້ ຍຶດໄດ້ກວ່າ 5 ຕັນ.

ຮຽບຮຽງ: khianlao.com


ໂພສຕ໌ນີ້ຖືກໃຈຢູ່ບໍ່? ແບ່ງປັນໃຫ້ເພື່ອນໄດ້ຮູ້ນຳແນ່!

ການຕອບຮັບຂອງທ່ານຕໍ່ໂພສຕ໌ນີ້ເປັນແນວໃດ?

ໃຈຮ້າຍ ໃຈຮ້າຍ
1
ໃຈຮ້າຍ
ບໍ່ມັກ ບໍ່ມັກ
0
ບໍ່ມັກ
ຕາຢ້ານ ຕາຢ້ານ
0
ຕາຢ້ານ
ຮ່າຮ່າຮ່າ ຮ່າຮ່າຮ່າ
2
ຮ່າຮ່າຮ່າ
ໜ້າຮັກ ໜ້າຮັກ
0
ໜ້າຮັກ
ບໍ່ຜ່ານ ບໍ່ຜ່ານ
0
ບໍ່ຜ່ານ
ເສຍໃຈ ເສຍໃຈ
1
ເສຍໃຈ
ປາຕິໂທ໊! ປາຕິໂທ໊!
0
ປາຕິໂທ໊!
ອີຫຍັງຫວະ ອີຫຍັງຫວະ
0
ອີຫຍັງຫວະ
ຮັກເລີຍ ຮັກເລີຍ
0
ຮັກເລີຍ
ດີໃຈ ດີໃຈ
0
ດີໃຈ
ເສົ້າ ເສົ້າ
0
ເສົ້າ
ແຊບ ແຊບ
0
ແຊບ
ຮ່າເອີຍ ຮ່າເອີຍ
0
ຮ່າເອີຍ
ຖືກໃຈ ຖືກໃຈ
0
ຖືກໃຈ
ຮ່າຈົນເຈັບທ້ອງ ຮ່າຈົນເຈັບທ້ອງ
0
ຮ່າຈົນເຈັບທ້ອງ
ຜ່ານໄດ້ ຜ່ານໄດ້
0
ຜ່ານໄດ້
Sithon999

ນັກໂພສຕ໌ອັນດັບ 1

ສະແດງຄຳຄິດເຫັນຂອງທ່ານຜ່ານເຟສບຸ໊ກ

ຄຳເຫັນ

ຄຳຄິດເຫັນ

ເມລຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້

error: