ຈັບສາວລາວ 53 ຄົນ ຂາຍປະເວນີຢູ່ຮ້ານຄາຣາໂອເກະໄທ ມີ 3 ຄົນອາຍຸຕ່ຳກວ່າ 18 ມາຈາກວຽງຈັນ


ໃນວັນທີ 9 ພະຈິກ ເຈົ້າໜ້າທີ່ DSI ພ້ອມດ້ວຍເຈົ້າໜ້າທີ່ທີ່ກ່ຽວຂ້ອງກວ່າ 60 ຄົນ ໄດ້ສົມທົບກຳລັງເຂົ້າກວດຄົ້ນສະຖານບັນເທີງຮ້ານຄາຣາໂອເກະ ບໍລິເວນຖະໜົນຣະແງະມັນຄາ ເຂດເທດສະບານເມືອງນະຣາທິວາດ ຫຼັງຈາກເຈົ້າໜ້າທີ່ໄດ້ຮັບແຈ້ງວ່າ ຮ້ານຄາຣາໂອເກະດັ່ງກ່າວ ເປີດບໍລິການໃນລັກສະນະຄ້າປະເວນີ ແລະມີເດັກຍິງອາຍຸບໍ່ເກີນ 18 ປີ ຊື້ຂາຍບໍລິການກັບລູກຄ້າ ເຂົ້າຂ່າຍຄ້າມະນຸດ.

ເຈົ້າໜ້າທີ່ໄດ້ກະຈາຍກຳລັງປິດລ້ອມສະຖານທີ່ໄວ້ ແລ້ວສົ່ງເຈົ້າໜ້າທີ່ເຮັດທ່າທີເປັນຄືລູກຄ້າມາໃຊ້ບໍລິການຢູ່ໃນຮ້ານແຟນໃໝ່ຄາຣາໂອເກະ ເຊິ່ງເປັນຮ້ານເປົ້າໝາຍ ຢູ່ທີ່ຖະໜົນຣະແງະມັນຄາ ເຂດເທດສະບານເມືອງນະຣາທິວາດ ຈາກນັ້ນ ໄດ້ມີເດັກຍິງ 3 ຄົນ ເຊິ່ງຄາດວ່າອາຍຸບໍ່ເກີນ 18 ປີ ຕາມທີ່ໄດ້ຮັບແຈ້ງ ຕົກລົງຂາຍບໍລິການ ຈຶ່ງສະແດງໂຕເຂົ້າຈັບກຸມ ນອກຈາກນີ້ ເຈົ້າໜ້າທີ່ຍັງໄດ້ນຳກຳລັງປິດລ້ອມ ກວດຄົ້ນສະຖານທີ່ບັນເທີງຮ້ານອື່ນໆຢູ່ບໍລິເວນດັ່ງກ່າວອີກ ພົບປືນສັ້ນ 1 ກະບອກ ບໍ່ມີທະບຽນ ຈຶ່ງຍຶດໄວ້ກວດສອບ.

ຕໍ່ມາເຈົ້າໜ້າທີ່ໄດ້ຄວບຄຸມຕົວຜູ້ຍິງທັງໝົດລວມ 53 ຄົນ ນຳຕົວຂຶ້ນລົດໄປເພື່ອທຳການແຍກສອບປະຫວັດ ຈາກການສອບປະຫວັດ ພົບວ່າຜູ້ຍິງທັງໝົດເປັນພົນລະເມືອງລາວ ໃນນັ້ນ ພົບເດັກຍິງ 3 ຄົນ ຄາດວ່າອາຍຸ ບໍ່ເກີນ 18 ປີ ມີການໃຊ້ເອກະສານບໍ່ກົງກັບອາຍຸ ເຊິ່ງເດັກຍິງທັງ 3 ຄົນນີ້ ເປັນຄົນໃນພື້ນທີ່ວຽງຈັນ ມາທຳງານໃນຮ້ານຄາຣາໂອກະແຟນໃໝ່. 

ການເຂົ້າກວດຄົ້ນໃນຄັ້ງນີ້ ສືບເນື່ອງມາຈາກ ໄດ້ຮັບການປະສານຈາກອາສາໃນ ສປປ ລາວ ວ່າໄດ້ມີເດັກຍິງ 3 ຄົນດັ່ງກ່າວ ໄດ້ຖືກລໍ້ລວງ ເພື່ອນຳມາຄ້າປະເວນີໃນພື້ນທີ່ຈັງຫວັດຊາຍແດນພາກໃຕ້ຂອງໄທ ແລະກໍຮູ້ພື້ນທີ່ເປົ້າໝາຍທີ່ເຫຍື່ອຖືກຫຼອກໄປຄ້າປະເວນີ ຈຶ່ງປະສານກັບເຈົ້າໜ້າທີ່ DSI ຂອງໄທ ເຈົ້າໜ້າທີ່ຈຶ່ງກວດສອບຫຼັກຖານ ແລ້ວລົງກວດສອບພື້ນທີ່ດັ່ງກ່າວ.

ທ່ານ ມະສະປີ ອິ້ນຈະຣັນສານ ຫົວໜ້າພັດທະນາສັງຄົມແລະຄວາມໝັ້ນຄົງຂອງມະນຸດ ກ່າວວ່າ ຜູ້ຍິງທີ່ມາຈາກ ສປປ ລາວ ທັງໝົດ 53 ຄົນນີ້ ເປັນບຸກຄົນຕ່າງດ້າວ ເບື້ອງຕົ້ນມີເອກະສານໜັງສືເດີນທາງແລະບາງຄົນມີວີຊາເຂົ້າມາທຳງານໃນປະເທດໄທ ແຕ່ມາທຳງານຜິດປະເພດ ຄືການຄ້າປະເວນີ ເຊິ່ງເປັນສິ່ງທີ່ຜິດກົດໝາຍ ການແຍກສອບປະຫວັດຕ້ອງໃຊ້ເວລາ ຕ້ອງໄດ້ກວດສອບເບິ່ງວ່າກໍລະນີຜູ້ຍິງອາຍຸເກີນ 18 ປີ ຍິນຍອມຫຼືຖືກບັງຄັບໃຫ້ຄ້າປະເວນີ ແຕ່ກໍລະນີເດັກຍິງອາຍຸບໍ່ເກີນ 18 ປີ ຈະຍິນຍອມຫຼືຖືກບັງຄັບ ຈະຖືວ່າເຂົ້າຂ່າຍການຄ້າມະນຸດ.

ເດັກຍິງອາຍຸຕ່ຳກວ່າ 18 ປີ ຈະຖືກສົ່ງຕົວໄປໜ່ວຍງານ ບ້ານພັກແລະຄອບຄົວ ຈັງຫວັດນະຣາທິວາດ ພາຍໃຕ້ການດູແລຂອງໜ່ວຍງານສະຫະວິຊາຊີບ ເພື່ອຟື້ນຟູຈິດໃຈ ແລະຈະໄດ້ຮັບສິດທິໃນການຄຸ້ມຄອງຕາມກົດໝາຍກຳນົດ ພ້ອມທັງຈະໄດ້ກວດສອບເບິ່ງວ່າມີຄວາມຜິດຕາມລະບຽບກົດໝາຍທີ່ກ່ຽວຂ້ອງຫຼືບໍ່ ຖ້າຜິດ ກໍຕ້ອງວ່າໄປຕາມຂະບວນການທາງກົດໝາຍຢ່າງເຄັ່ງຄັດ ທ່ານ ມະສະປີ ກ່າວ.

ຮຽບຮຽງ: khianlao.com / ທີ່ມາ: thairath


ໂພສຕ໌ນີ້ຖືກໃຈຢູ່ບໍ່? ແບ່ງປັນໃຫ້ເພື່ອນໄດ້ຮູ້ນຳແນ່!

ການຕອບຮັບຂອງທ່ານຕໍ່ໂພສຕ໌ນີ້ເປັນແນວໃດ?

ໃຈຮ້າຍ ໃຈຮ້າຍ
0
ໃຈຮ້າຍ
ບໍ່ມັກ ບໍ່ມັກ
0
ບໍ່ມັກ
ຕາຢ້ານ ຕາຢ້ານ
0
ຕາຢ້ານ
ຮ່າຮ່າຮ່າ ຮ່າຮ່າຮ່າ
1
ຮ່າຮ່າຮ່າ
ໜ້າຮັກ ໜ້າຮັກ
0
ໜ້າຮັກ
ບໍ່ຜ່ານ ບໍ່ຜ່ານ
0
ບໍ່ຜ່ານ
ເສຍໃຈ ເສຍໃຈ
0
ເສຍໃຈ
ປາຕິໂທ໊! ປາຕິໂທ໊!
1
ປາຕິໂທ໊!
ອີຫຍັງຫວະ ອີຫຍັງຫວະ
0
ອີຫຍັງຫວະ
ຮັກເລີຍ ຮັກເລີຍ
0
ຮັກເລີຍ
ດີໃຈ ດີໃຈ
0
ດີໃຈ
ເສົ້າ ເສົ້າ
0
ເສົ້າ
ແຊບ ແຊບ
0
ແຊບ
ຮ່າເອີຍ ຮ່າເອີຍ
0
ຮ່າເອີຍ
ຖືກໃຈ ຖືກໃຈ
0
ຖືກໃຈ
ຮ່າຈົນເຈັບທ້ອງ ຮ່າຈົນເຈັບທ້ອງ
0
ຮ່າຈົນເຈັບທ້ອງ
ຜ່ານໄດ້ ຜ່ານໄດ້
0
ຜ່ານໄດ້
Sithon999

ນັກໂພສຕ໌ອັນດັບ 1

ສະແດງຄຳຄິດເຫັນຂອງທ່ານຜ່ານເຟສບຸ໊ກ

ຄຳເຫັນ

ຄຳຄິດເຫັນ

ເມລຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້

error: