ປກສ ເມືອງພິນ ສະຫວັນນະເຂດ ຈັບຕົວຜູ້ເຄື່ອນໄຫວທາງສາດສະໜາຄຣິສຕຽນຄາພິທີ


(ຮູບພາບປະກອບຈາກ Google)

ເວັບໄຊຕ໌ Hrwlrf.org ລາຍງານວ່າ ເມື່ອເວລາ ປະມານ 18:00 ໂມງ ຂອງວັນເສົາ ທີ 29 ທັນວາ 2018 ປກສ ເມືອງພິນ ແຂວງສະຫວັນນະເຂດ ໄດ້ຈັບກຸມຕົວຜູ້ນຳຄຣິສຕຽນຈຳນວນ 3 ຄົນ ຢູ່ເຂດເມືອງພິນ ປະກອບມີ ທ້າວ ອະແກ້ວ, ທ້າວ ເກີດ ແລະ ທ້າວ ສົມຫວັງ ໃນຂະນະທີ່ຜູ້ຄົນໃນພິທີ ກຳລັງຮ່ວມກັນສັນລະເສີນພະເຈົ້າຢູ່.

ຈາກນັ້ນ ຕຳຫຼວດໄດ້ກັບມາໂບດດັ່ງກ່າວອີກຄັ້ງ ເມື່ອເວລາປະມານ 20:00 ໂມງ ຄຸມຕົວເອົາຜູ້ທີ່ນັບຖືສາດສະໜາຄຣິສຕຽນ ອີກ 4 ຄົນ ໃສ່ກັບມື ແລ້ວນຳຕົວໄປທີ່ ປກສ ເມືອງພິນ ລວມທັງໝົດເປັນ 7 ຄົນ ທີ່ຖືກຈັບໃນມື້ນັ້ນ.

ເວລາປະມານ 22:00 ໂມງ ປກສ ເມືອງພິນ ໄດ້ກັບມາໂບດນັ້ນອີກຄັ້ງ ຮື້ຖອນເວທີ, ຕັດສາຍໄຟ, ທຳລາຍລະບົບເຄື່ອງສຽງ ພ້ອມຍຶດໂທລະສັບມືຖືອີກ 3 ເຄື່ອງ.

ມີລາຍງານວ່າ ຕຳຫຼວດຈັບກຸມຕົວຜູ້ທີ່ນັບຖືສາດສະໜາຄຣິສຕຽນໃນຄັ້ງນີ້ ສືບເນື່ອງມາຈາກການຮ່ວມຊຸມນຸມປະກອບພິທີຂອງໂບດ (ຄຣິສຕ໌ມາສ) ໂດຍບໍ່ຖືກຕ້ອງຕາມກົດໝາຍ ແລະບໍ່ໄດ້ຮັບອະນຸຍາດ.

ອົງການ Human Rights Watcher For Lao Religious Freedom ໄດ້ຮຽກຮ້ອງໃຫ້ ລັດຖະບານລາວ ເຄົາລົບສິດທິຂອງພົນລະເມືອງ ໃນການນັບຖືສາດສະໜາ ຕາມຂໍ້ຕົກລົງລະຫວ່າງປະເທດ ວ່າດ້ວຍສິດທິຂອງພົນລະເຮືອນ ແລະສິດທິທາງການເມືອງ ຫຼື ICCPR ແລະ ໄດ້ຮຽກຮ້ອງໃຫ້ປ່ອຍຕົວຜູ້ທີ່ຖືກຈັບທັງໝົດທັນທີ ຢ່າງບໍ່ມີເງື່ອນໄຂ ພ້ອມທັງຊົດເຊີຍຄ່າເສຍຫາຍຕ່າງໆ ຕໍ່ຊັບສິນຂອງໂບດ.

ອີງຕາມການລາຍງານຈາກ Bosnewslife ກຸ່ມ Open Doors ກ່າວວ່າ "ຕອນນີ້ ລັດຖະບານລາວ ກຳລັງເຝົ້າສັງເກດການເພີ່ມຂຶ້ນ ກ່ຽວກັບໂບດຄຣິສຕຽນ ທີ່ເຄື່ອນໄຫວບໍ່ຖືກຕ້ອງຕາມກົດໝາຍ ແລະລະບຽບການ ໂດຍໄດ້ຮັບການຮ່ວມມືຈາກໂບດຄຣິສຕຽນທີ່ໄດ້ຮັບການຮັບຮອງ ຈຶ່ງສົ່ງຜົນເຮັດໃຫ້ຊາວຄຣິສຕຽນດັ່ງກ່າວຖືກຈັບກຸມຕົວນັ້ນເອງ."

ກ່ອນໜ້ານີ້ບໍ່ດົນ ເມື່ອວັນທີ 18 ທັນວາ 2018 ທີ່ຜ່ານມາ ຕຳຫຼວດແຂວງສະຫວັນນະເຂດ ກໍໄດ້ຈັບກຸມຕົວຄົນລາວ 4 ຄົນ ປະກອບມີ ແມ່ເຖົ້າໄວ 78 ປີ ແລະຊາຍ 3 ຄົນ ຄາພິທີກຳຄຣິສຕຽນ ເຊັ່ນກັນ ຢູ່ທີ່ບ້ານແກ້ວວິໄລ ເມືອງວິລະບູລີ ແຂວງສະຫວັນນະເຂດ.

ອີງຕາມ ດຳລັດເລກທີ 315/ລບ ວ່າດ້ວຍການຄຸ້ມຄອງ ແລະ ປົກປ້ອງການເຄື່ອນໄຫວສາສະໜາ ຢູ່ ສປປ ລາວ ທຸກການຈັດຕັ້ງສາດສະໜາຢູ່ ສປປ ລາວ ຕ້ອງໄດ້ຮັບການຮັບຮອງຢ່າງເປັນທາງການ ຈາກອົງການຈັດຕັ້ງຂອງລັດທີ່ກ່ຽວຂ້ອງ ມີຕາປະທັບໃຊ້ໃນການເຄື່ອນໄຫວວຽກງານຂອງສາດສະໜາຢ່າງຖືກຕ້ອງ ຄູສອນສາດສະໜາຕ້ອງມີບັດຢັ້ງຢືນຈາກອົງການຈັດຕັ້ງສາດສະໜາຂອງຕົນ ພ້ອມທັງເຄື່ອນໄຫວໃຫ້ຖືກຕ້ອງ ສອດຄ່ອງຕາມກົດໝາຍ, ລະບຽບການ ແລະຫຼັກຄຳສອນ.

ຮຽບຮຽງ: Khianlao.com


ໂພສຕ໌ນີ້ຖືກໃຈຢູ່ບໍ່? ແບ່ງປັນໃຫ້ເພື່ອນໄດ້ຮູ້ນຳແນ່!

1
14 comments, 7.9k shares, 1 point

ການຕອບຮັບຂອງທ່ານຕໍ່ໂພສຕ໌ນີ້ເປັນແນວໃດ?

ໃຈຮ້າຍ ໃຈຮ້າຍ
48
ໃຈຮ້າຍ
ບໍ່ມັກ ບໍ່ມັກ
22
ບໍ່ມັກ
ຕາຢ້ານ ຕາຢ້ານ
19
ຕາຢ້ານ
ຮ່າຮ່າຮ່າ ຮ່າຮ່າຮ່າ
16
ຮ່າຮ່າຮ່າ
ໜ້າຮັກ ໜ້າຮັກ
5
ໜ້າຮັກ
ບໍ່ຜ່ານ ບໍ່ຜ່ານ
11
ບໍ່ຜ່ານ
ເສຍໃຈ ເສຍໃຈ
32
ເສຍໃຈ
ປາຕິໂທ໊! ປາຕິໂທ໊!
16
ປາຕິໂທ໊!
ອີຫຍັງຫວະ ອີຫຍັງຫວະ
31
ອີຫຍັງຫວະ
ຮັກເລີຍ ຮັກເລີຍ
5
ຮັກເລີຍ
ດີໃຈ ດີໃຈ
8
ດີໃຈ
ເສົ້າ ເສົ້າ
7
ເສົ້າ
ແຊບ ແຊບ
1
ແຊບ
ຮ່າເອີຍ ຮ່າເອີຍ
12
ຮ່າເອີຍ
ຖືກໃຈ ຖືກໃຈ
87
ຖືກໃຈ
ຮ່າຈົນເຈັບທ້ອງ ຮ່າຈົນເຈັບທ້ອງ
5
ຮ່າຈົນເຈັບທ້ອງ
ຜ່ານໄດ້ ຜ່ານໄດ້
36
ຜ່ານໄດ້
Sithon999

ນັກໂພສຕ໌ອັນດັບ 1

ສະແດງຄຳຄິດເຫັນຂອງທ່ານຜ່ານເຟສບຸ໊ກ

ຄຳເຫັນ

ຄຳຄິດເຫັນ

ເມລຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້

  1. ທຳຕາມຫນ້າທີ່
    ທຳຕາມຄວາມເຂົ້າໃຈ
    ທຳຕາມລະບຽບກົດຫມາຍທ້ອງຖິ່ນ
    ທຳຕາມການຊົງນຳຂອງພະວິນຍານບໍຣິສຸດບອກໃຫ້ທຳ
    ຂໍພະເຈົ້າເມດຕາທຸກໆຄົນ
    ໃຫ້ເຫັນຂ່າວປະເສີດ

  2. ບ້າຕີສາສະໜາພຸດຢຸ່ຄູ່ຄົນລາວມາແຕ່ເຊັ່ນໃດແລ້ວຊິໃຫ້ສາສໜາອື່ນມາສອນໃຫ້ລົບລູ່ສາສໜາພຸດນີ້ຄືເມືອງພຸດເດິສູບໍ່ແມ່ນເມືອງຄິຣສເຮົາຄົນລາວຄວນສົ່ງເສີມສາສໜາລາວໃຫ້ຮຸ່ງເຮືອງຢ່າໄປສົ່ງເສີມສາສໜາປະເທດອື່ນປູ່ຢ່າຕາຍາຍເຮົາສ້່າງໄຫ້ໄວ້ສອນໃຫ້ນັບຖືສາສະໜາພຸດເພາະມັນເປັນສາສະໜາຄູ່ບ້່ານຄູ່ເມືອງລາວເຮົາມາແຕເຊັ່ນໃດແລ້ວບໍ່ຄວນນຳເອົາສາສະໜາອື່ນເຂົ້າມາປະປົນໃນປະເທດລາວຈຳໄວ້ເດິເຮົາຄືຄົນລາວເຮົາຄືຄົນພຸດໄຜບໍ່ນັບຖືພຸດອອກຈາກປະເທດລາວໄປສາ

    1. สาสนาพุดมันมาแต่ใส. มีจุดกำเนิดยู่ใส
      เจ้าฮู้บ่อ.

    2. ໂອ້ຍ…..ສາສະຫນາພຸດກໍ່ມາຈາກປະເທດອື່ນເດີ້…..
      ຄິດແດ່

    3. ພຸດກາບໍ່ແມ່ນສາດສາຫນາລາວດອກພຽງແຕ່ລັດອະນຸຍາດໃຫ້ໃຊ້ຊື່ໆ

    4. ທ່ານເອົາສິ່ງໃດມາຢັ້ງຢືນວ່າ ປະເທດລາວເປັນຜູ້ກຳເນີດສາສະໜາພຸດ? ຖ້າທ່ານມີສິ່ງທີ່ມາເປັນຫຼັກຖານກໍສະແດງອອກສື່ເລີຍວ່າ ສາສະໜາພຸດແມ່ນຄົນລາວສ້າງຂຶ້ນ ຢ່າເອີ່ຍໂດຍບໍ່ມີມູນຄວາມຈິງ.
      ທ່ານຢາກເຂົ້າສະຫວັນ ແຕ່ຖ້າທ່ານບໍ່ຮູ້ຈັກເຈົ້າຂອງສະຫວັນ ຕໍ່ໃຫ້ທ່ານເປັນຜູ້ສອນສາສະໜາທ່ານກໍບໍ່ໄດ້ເຂົ້າສະຫວັນດອກ, ສະນັ້ນ ທ່ານຈົ່ງໄປຊອກຮູ້ເອົາວ່າໃຜຄືເຈົ້າຂອງສະຫວັນ ເພາະເມື່ອຊີວິນແທ້(ວິນຍານ)ທ່ານອອກຈາກຮ່າງກາຍ ທ່ານໝັ້ນໃຈບໍ່ວ່າຈະໄດ້ໄປສະຫວັນ ເພາະທ່ານເອງຍັງບໍ່ຮູ້ຈັກເພິ່ນຊຳ້

  3. ຄວາມເຊື່ອເປັນຂອງພະພອນມາຈາກພະເຈົ້າ, ຖ້າບໍ່ເຊື່ອກະຢ່າໄປທໍາລາຍເຂົາ, ພະເຈົ້າລົງຮັກຄົນຄົນເຊັ່ນກັນ, ໄປທໍາລາຍໂບດເຂົາໄດ້ແຕ່ບໍ່ສາມາດທໍາລາຍຄວາມເຊື່ອເຂົາໄດ້ດອກ, ຖ້າຫາກພະເຈົ້າບໍ່ມີຈີງເຂົາຈະກັບມາເຊື່ອພຸດ ແລະ ຜີຄືເກົ່າ, ຂໍພະເຈົ້າເມດຕາ ແລະ ອວຍພອນໃຫ້ທຸກຄົນດ້ວຍ
    ໃນພຣະນາມພະເຢຊູຄຼິດເຈົ້າ…ອາແມນ

  4. ເຄື່ອນໄຫວບໍ່ຖືກກົດຫມາຍ ບໍ່ໄດ້ຮັບອະນຸຍາດຈາກພາກສ່ວນກ່ຽວຂ້ອງເຮັດບໍ່ໄດ້ ເຜີຍແຜ່ສາສຫນາ ແຕ່ເອົາແນວຄິດຕໍ່ຕ້ານແນວທາງຂອງລັດມາສອນບໍ່ຖືກຕ້ອງ ຄວນປາບປາມໃຫ້ເດັດຂາດ ເພາະເປັນເຄື່ອງມືຂອງກຸ່ມຄົນບໍ່ດີ ຊົມເຊີຍເຈົ້າຫນ້າທີ່ປະຕິບັດໄດ້ດີ

  5. ຖ້າຢາກໃຫ້ຖືກກະຄືບໍ່ບອກເຂົາວ່າແບບນີ້ບໍ່ຖືກເດີ ຖ້າຢາກໃຫ້ຖືກເຈົ້າມາເຮັດເອກະສານນັ້ນນີ້ນຳຫ້ອງການໃດກະແນະນຳເຂົາໄປ ເພາະບາງຄົນເຂົາກະບໍ່ໄດ້ຮຽນເລື່ອງກ່ຽວກັບການເມືອງເຂົາກະບໍ່ຮູ້ວ່າຈະໄປເຮັດເອກາສານແບບໃດຈິ່ງສິຖືກກົດໝາຍ
    ທີ່ເຂົາສອນເຂົາກະສອນຕາມຄຳພີທຸກຢ່າງ
    ລອງເປິດກວ້າງການມັນມີຫຼາຍທາງໃນການແກ້ໄຂ້ ການໃຊ້ອຳນາດເອົາໄວ້ໃຫ້ມັນເປັນທາງອອກສຸດທ້າຍສາ
    ສາສະນາ ໃດກະສອນໃຫ້ເປັນຄົນດີ ທີ່ເຫຼືອມັນກະຂຶ້ນກັບຄົນທີ່ເຊື່ອວ່າສິເຮັດຕາມໄດ້ຈັກເປີເຊັນ

  6. จ่งให้อะไพให้กันและกัน​ ข้อยมักอ่านพะคำพีก่อเหันมีบอกใน: พะทำมัดทาย​ 5:48 ผู้ใดยากฮู้เซีนอ่านเองเดี.​

ກົດໄລຄ໌ເພື່ອຕິດຕາມຂ່າວສານຈາກເພຈ
close-link
error:
ເລືອກຮູບແບບໂພສຕ໌
Quiz ທົດສອບຄຸນລັກສະນະ
ສ້າງຄຳຖາມທີ່ຫຼາກຫຼາຍເພື່ອທວຍໃຈ
Quiz ທົດສອບປັນຍາ
ສ້າງຄຳຖາມທີ່ຫຼາກຫຼາຍເພື່ອທວຍປັນຫາ
ແບບສຳຫຼວດ
ສ້າງແບບສຳຫຼວດເພື່ອເອົາຂໍ້ມູນຈາກການໂຫວດ
ໂພສຕ໌ທົ່ວໄປ
ສາມາດໃສ່ຮູບແບບໂພສຕ໌ໄດ້ຫຼາກຫຼາຍ
ໂພສຕ໌ແບບຈັດອັນດັບ (1)
ໂພສຕ໌ແບບມີຫົວຂໍ້ຕົວເລກຈັດອັນດັບ
ແບບຈັດອັນດັບຖອຍຫຼັງ
ໂພສຕ໌ແບບມີຫົວຂໍ້ຕົວເລກຈັດອັນດັບຖອຍຫຼັງ
ໂພສຕ໌ແບບຈັດອັນດັບ (2)
ໂພສຕ໌ແບບຈັດອັນດັບ ມີໂຫວດ ສະແດງຄຳເຫັນ
ວິດີໂອ
ໃສ່ວິດີໂອຈາກ Youtube, Facebook, Vimeo