ວິທີກວດສອບເບິ່ງວ່າອັນໃດ ແມ່ນຄຳສອນຂອງພຣະພຸດທະເຈົ້າ ອັນໃດບໍ່ແມ່ນ ງ່າຍໆ!


nalanda.org.my

ຄຳສອນທີ່ທ່ານໄດ້ຮັບມາ ອາດເປັນຄຳສອນທີ່ບໍ່ຖືກຕ້ອງຕາມຄຳສອນຂອງພຣະພຸດທະເຈົ້າ ບາງຄົນອາດສອນທ່ານ ບອກທ່ານ ໄປໃນທາງທີ່ຜິດ ແລ້ວຖ້າທ່ານເປັນຜູ້ທີ່ມີອິນຊີບໍ່ສະເໝີກັນ ຄື ໃຊ້ສັດທາຫຼາຍກວ່າປັນຍາ ທ່ານກໍຈະເປັນຜູ້ງົມງວຍ ເຊື່ອງ່າຍ ດັ່ງນັ້ນ ທ່ານຕ້ອງໃຊ້ປັນຍາພິຈາລະນະກ່ອນ ແລ້ວຢ່າໄປຍຶດຕິດກັບບຸກຄົນ ໃຫ້ອີງຕາມຄຳສອນເປັນຫຼັກ.

ແລ້ວເຮົາຊິຮູ້ໄດ້ແນວໃດວ່າ ອັນໃດແມ່ນຄຳສອນຂອງພຣະພຸດທະເຈົ້າ ອັນໃດບໍ່ແມ່ນ? ງ່າຍໆວິທີກວດສອບມີ! ຕົວຢ່າງ ໃຫ້ເຂົ້າໃຈງ່າຍໆເລີຍວ່າ ພຣະພຣະພຸດທະສອນໃຫ້ໜີຈາກກິເລດ ຖ້າໃຜໄປເຮັດ ຫຼື ໄປສອນແນວທີ່ມັນເປັນການບໍ່ໜີຈາກກິເລດ ອັນນັ້ນບໍ່ແມ່ນແລ້ວ. 

ຈະຍົກເອົາກໍລະນີ "ເລື່ອງຄູບາຮັບເງິນ" ມາເປັນຕົວຢ່າງ ຫຼາຍຄົນກໍບອກວ່າບໍ່ຜິດ ເພາະຍຸກໃໝ່ ຕ້ອງໄດ້ໃຊ້ເງິນ ອ້າງໄປຕ່າງໆນາໆ ຊິອ້າງແນວໃດກໍຕາມ ບໍ່ໄດ້ດອກ ເພາະໃນພຣະວິໄນມີຢູ່ວ່າຫ້າມ ແລະການຮັບເງິນ "ເລິກໆລົງໄປ" ມັນເປັນການສະສົມກິດເລດນັ້ນເອງ ບໍ່ເປັນໄປເພື່ອສະຫຼະອອກ ດັ່ງນັ້ນ ສິ່ງເຫຼົ່ານີ້ ຈຶ່ງບໍ່ແມ່ນຄຳສອນຂອງພຣະພຸດທະເຈົ້າແນ່ນອນ ງ່າຍໆ ວິທີກວດສອບ!

ຖ້າທ່ານຈະໜີຈາກກິເລດຈິງ ທ່ານຍ່ອມຮູ້ດີວ່າອັນໃດຈະຜິດຫຼືເປັນອຸປະສັກຕໍ່ການໜີຈາກກິເລດຂອງທ່ານ ຍ່ອມຮູ້ວ່າຫົນທາງໃດຄວນໄປ ປຽບເໝືອນຄົນມີບັນຫາເລື່ອງຕັບ ຍ່ອມບໍ່ກິນແນວທີ່ມັນມີຜົນກະທົບຕໍ່ຕັບ ເຊັ່ນ ເຫຼົ້າ ຫຼື ເບຍ ເປັນຕົ້ນ ເວັ້ນແຕ່ຜູ້ທີ່ບໍ່ຢາກໜີຈາກກິເລດເທົ່ານັ້ນລະ ຈຶ່ງເຮັດແນວທີ່ຂັດ.

nalanda.org.my

ເລື່ອງການກວດສອບວ່າສິ່ງໃດແມ່ນຄຳສອນຂອງພຣະພຸດທະເຈົ້າຫຼືບໍ່ນັ້ນ ທ່ານສາມາດທຽບຄຽງຕາມຫຼັກທັມຂໍ້ດ້ານລຸ່ມນີ້ ທີ່ພຣະພຸດທະເຈົ້າໄດ້ປະທານໃຫ້ ພິກຂຸນີພຣະປະຊາບໍດີໂຄຕະມີ ເອົາຫຼັກທັມຂໍ້ນີ້ໄປທຽບຄຽງໄດ້ເລີຍ.

ສະໄໝໜຶ່ງ ພິກຂຸນີພຣະປະຊາບໍດີໂຄຕະມີ ເຂົ້າໄປເຝົ້າພຣະຜູ້ມີພຣະພາກເຈົ້າເຖິງທີ່ປະທັບ ຂາບແລ້ວກ່າວຂໍທັມມະຈາກພຣະພຸດທະເຈົ້າໂດຍຫຍໍ້ ທີ່ເມື່ອຕົນຟັງແລ້ວ ຈະເອົາໄປປະຕິບັດ ເປັນຜູ້ຫຼີກອອກຈາກໝູ່ ບໍ່ປະໝາດ ມີຄວາມພຽນ ມີໃຈເດັດດ່ຽວ ພຣະຜູ້ມີພຣະພຸດທະເຈົ້າຈຶ່ງປະທານທັມມະໃຫ້ດັ່ງນີ້ວ່າ "ທັມເຫຼົ່າໃດ...

  • ເປັນໄປເພື່ອຄວາມກຳໜັດ --> ບໍ່ເປັນໄປເພື່ອຄວາມຄາຍກຳໜັດ
  • ເປັນໄປເພື່ອປະກອບສັດໄວ້ --> ບໍ່ເປັນໄປເພື່ອພາກສັດອອກ
  • ເປັນໄປເພື່ອສັ່ງສົມກິເລດ --> ບໍ່ເປັນໄປເພື່ອບໍ່ສັ່ງສົມກິເລດ
  • ເປັນໄປເພື່ອຄວາມເປັນຜູ້ມັກມາກ --> ບໍ່ເປັນໄປເພື່ອຄວາມເປັນຜູ້ມັກນ້ອຍ
  • ເປັນໄປເພື່ອຄວາມບໍ່ສັນໂດດ --> ບໍ່ເປັນໄປເພື່ອຄວາມສັນໂດດ
  • ເປັນໄປເພື່ອຄວາມມົ້ວສຸມດ້ວຍໝູ່ຄະນະ --> ບໍ່ເປັນໄປເພື່ອຄວາມສະຫງັດ
  • ເປັນໄປເພື່ອຄວາມຂີ້ຄ້ານ --> ບໍ່ເປັນໄປເພື່ອຄວາມພຽນ
  • ເປັນໄປເພື່ອຄວາມເປັນຄົນລ້ຽງຍາກ --> ບໍ່ເປັນໄປເພື່ອຄວາມເປັນຄົນລ້ຽງງ່າຍ"

ພຣະພຸດທະເຈົ້າກ່າວກັບພິກຂຸນີປະຊາບໍດີໂຄຕະມີວ່າ "ດູກ່ອນ ໂຄຕະມີ ທ່ານເພິ່ງຈຳໄວ້ໂດຍສ່ວນໜຶ່ງວ່າ ນີ້ບໍ່ແມ່ນທັມ ບໍ່ແມ່ນວິໄນ ບໍ່ແມ່ນຄຳສັ່ງສອນຂອງພຣະສາດສະດາ."

ຮຽບຮຽງ: khianlao.com


ໂພສຕ໌ນີ້ຖືກໃຈຢູ່ບໍ່? ແບ່ງປັນໃຫ້ເພື່ອນໄດ້ຮູ້ນຳແນ່!

ການຕອບຮັບຂອງທ່ານຕໍ່ໂພສຕ໌ນີ້ເປັນແນວໃດ?

ໃຈຮ້າຍ ໃຈຮ້າຍ
0
ໃຈຮ້າຍ
ບໍ່ມັກ ບໍ່ມັກ
0
ບໍ່ມັກ
ຕາຢ້ານ ຕາຢ້ານ
0
ຕາຢ້ານ
ຮ່າຮ່າຮ່າ ຮ່າຮ່າຮ່າ
0
ຮ່າຮ່າຮ່າ
ໜ້າຮັກ ໜ້າຮັກ
0
ໜ້າຮັກ
ບໍ່ຜ່ານ ບໍ່ຜ່ານ
0
ບໍ່ຜ່ານ
ເສຍໃຈ ເສຍໃຈ
0
ເສຍໃຈ
ປາຕິໂທ໊! ປາຕິໂທ໊!
0
ປາຕິໂທ໊!
ອີຫຍັງຫວະ ອີຫຍັງຫວະ
0
ອີຫຍັງຫວະ
ຮັກເລີຍ ຮັກເລີຍ
0
ຮັກເລີຍ
ດີໃຈ ດີໃຈ
0
ດີໃຈ
ເສົ້າ ເສົ້າ
0
ເສົ້າ
ແຊບ ແຊບ
0
ແຊບ
ຮ່າເອີຍ ຮ່າເອີຍ
0
ຮ່າເອີຍ
ຖືກໃຈ ຖືກໃຈ
1
ຖືກໃຈ
ຮ່າຈົນເຈັບທ້ອງ ຮ່າຈົນເຈັບທ້ອງ
0
ຮ່າຈົນເຈັບທ້ອງ
ຜ່ານໄດ້ ຜ່ານໄດ້
0
ຜ່ານໄດ້
ຄົນປາກເຊ

ນັກໂພສຕ໌ອັນດັບ 1

ເປັນຄົນປາກເຊ ສົນໃຈເລື່ອງຂຽນໂພສຕ໌ ແບ່ງປັນຂໍ້ມູນຂ່າວສານ ຖ້າທ່ານມີຄຳຖາມເລື່ອງທັມມະ ທ່ານສາມາດໂພສຕ໌ຄຳຖາມຂອງທ່ານຢູ່ກະດານຄຳຖາມ ແລ້ວຂ້າພະເຈົ້າຈະຫາຂໍ້ມູນມາໃຫ້ທ່ານເອງ!

ສະແດງຄຳຄິດເຫັນຂອງທ່ານຜ່ານເຟສບຸ໊ກ

ຄຳເຫັນ

ຄຳຄິດເຫັນ

ເມລຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້

error:
ເລືອກຮູບແບບໂພສຕ໌
Quiz ທົດສອບຄຸນລັກສະນະ
ສ້າງຄຳຖາມທີ່ຫຼາກຫຼາຍເພື່ອທວຍໃຈ
Quiz ທົດສອບປັນຍາ
ສ້າງຄຳຖາມທີ່ຫຼາກຫຼາຍເພື່ອທວຍປັນຫາ
ແບບສຳຫຼວດ
ສ້າງແບບສຳຫຼວດເພື່ອເອົາຂໍ້ມູນຈາກການໂຫວດ
ໂພສຕ໌ທົ່ວໄປ
ສາມາດໃສ່ຮູບແບບໂພສຕ໌ໄດ້ຫຼາກຫຼາຍ
ໂພສຕ໌ແບບຈັດອັນດັບ (1)
ໂພສຕ໌ແບບມີຫົວຂໍ້ຕົວເລກຈັດອັນດັບ
ແບບຈັດອັນດັບຖອຍຫຼັງ
ໂພສຕ໌ແບບມີຫົວຂໍ້ຕົວເລກຈັດອັນດັບຖອຍຫຼັງ
ໂພສຕ໌ແບບຈັດອັນດັບ (2)
ໂພສຕ໌ແບບຈັດອັນດັບ ມີໂຫວດ ສະແດງຄຳເຫັນ
ວິດີໂອ
ໃສ່ວິດີໂອຈາກ Youtube, Facebook, Vimeo