ບໍ່ພໍເທົ່າໃດມື້ ຫວຽດນາມຍຶດເຮໂຣອິນ 120 ແທ່ງ ໄທຍຶດກັນຊາ 320 ແທ່ງ ຂົນຈາກລາວ


ຢາເສບຕິດລະບາດໜັກ ບໍ່ພໍເທົ່າໃດມື້ມານີ້ ຫວຽດຍາມຍຶດເຮໂຣອິນຂົນຈາກລາວຈຳນວນ 120 ແທ່ງ ພ້ອມຈັບຜູ້ຕ້ອງຫາຊາວຫວຽດນາມໄດ້ 3 ຄົນ ສ່ວນໄທ ຍຶດກັນຊາຂົນຈາກລາວ ຈຳນວນ 320 ແທ່ງ.

BHT

ສື່ທ້ອງຖິ່ນຫວຽດນາມ Bao Ha Tinh ລາຍງານວ່າ ໃນວັນທີ 24 ມັງກອນ 2019 ຕຳຫຼວດຫວຽດນາມທີ່ດ່ານສາກົນເກົາແຈ່ວ ເມືອງເຮືອງເຊິນ ແຂວງຫ່າຕິ໋ງ ໄດ້ກວດຄົ້ນລົດເກ໋ງຄັນໜຶ່ງ ພົບເຮໂຣອິນເຊື່ອງຢູ່ໃນລົດເປັນຢ່າງດີ ແຕ່ກໍໜີບໍ່ລອດ.

BHT

ໃນລະຫວ່າງກວດຄົ້ນ ເຈົ້າໜ້າທີ່ໄດ້ຍຶດເຮໂຣອິນຈຳນວນ 34 ແທ່ງ ເຊື່ອງຢູ່ໃນກັນຊົນທ້າຍ, 31 ແທ່ງພົບເຊື່ອງຢູ່ໃນທ້ອງລົດ ແລະ ອີກ 55 ແທ່ງ ພົບຢູ່ໃຕ້ບ່ອນນັ່ງ ລວມທັງໝົດເປັນ 120 ແທ່ງ ພ້ອມຈັບກຸມຕົວຄົນຫວຽດນາມໄດ້ 3 ຄົນ.

ຜ່ານການສອບສວນໃນເບື້ອງຕົ້ນ ຜູ້ຕ້ອງຫາຮັບສາລະພາບ ແລະຊັດທອດວ່າ ມີຄົນຫວຽດອີກຄົນວ່າຈ້າງໃຫ້ໄປຂົນເຮໂຣອິນຈຳນວນດັ່ງກ່າວມາຈາກ ນະຄອນຫຼວງວຽງຈັນ ສປປ ລາວ. 

BHT

ປະເທດຫວຽດນາມຖືເປັນປະເທດໜຶ່ງທີ່ມີກົດໝາຍຢາເສບຕິດທີ່ເຂັ້ມງວດທີ່ສຸດໃນໂລກ ບຸກຄົນຜູ້ຄອບຄອງຫຼືລັກລອບຂົນເຮໂຣອິນກວ່າ 600 ກຣາມຂຶ້ນເມືອ ຫຼື ເມດແອັມເຟຕາມີນ (methamphetamine) ກວ່າ 2.5 ກິໂລຂຶ້ນເມືອ ຈະຖືກຕັດສິນປະຫານຊີວິດ.

ຜະລິດຫຼືຈຳໜ່າຍ ເຮໂຣອິນ 100 ກຣາມ ຫຼື ຢາເສບຕິດຜິດກົດໝາຍປະເພດອື່ນໆໃນຈຳນວນ 300 ກຣາມ ກໍຈະຖືກຕັດສິນປະຫານຊີວິດເຊັ່ນກັນ.

ສ່ວນເຈົ້າໜ້າທີ່ໄທຈັງຫວັດນະຄອນພະນົມ ກໍຍຶດກັນຊາຈຳນວນ 320 ແທ່ງ ນ້ຳໜັກແທ່ງລະປະມານ 1 ກິໂລກຣາມ ລວມທັງໝົດ 320 ກິໂລກຣາມ ເຊື່ອງຢູ່ໃນກະສອບປຸ໋ຍໃນລົດເກ໋ງປ້າຍໄທ ກທມ ໂດຍມີການຖະແຫຼງຜົນການກວດຍຶດຂອງກາງດັ່ງກ່າວ ເມື່ອວັນທີ 26 ມັງກອນ 2019 ນີ້ ອີງຕາມທີ່ໜັງສືພິມ Matichon ແລະ Siamrath ລາຍງານ.

siamrath.co.th

ການກວດຍຶດມີຂຶ້ນຫຼັງຈາກທີ່ເຈົ້າໜ້າທີ່ໄດ້ສືບຮູ້ມາວ່າ ຈະມີການລັກລອບນຳເຂົ້າກັນຊາ ຈາກປະເທດລາວ ເພື່ອນຳສົ່ງຕໍ່ໄປຂາຍຢູ່ກຸງເທບ ຈຶ່ງສົມທົບກຳລັງໄປກວດສອບ ຈົນສາມາດຍຶດຂອງກາງໄດ້ຢູ່ບໍລິເວນເຂດບ້ານໂພນຈານ ຕຳບົນໂພນຈານ ອຳເພີໂພນສະຫວັນ ຈັງຫວັດນະຄອນພະນົມ ແຕ່ຄົນຂັບຖິ້ມລົດໜີໄປໄດ້ ເຈົ້າໜ້າທີ່ກຳລັງຕິດຕາມຈັບກຸມຕົວມາດຳເນີນຄະດີ.

siamrath.co.th

ຮຽບຮຽງ: khianlao.com


ໂພສຕ໌ນີ້ຖືກໃຈຢູ່ບໍ່? ແບ່ງປັນໃຫ້ເພື່ອນໄດ້ຮູ້ນຳແນ່!

ການຕອບຮັບຂອງທ່ານຕໍ່ໂພສຕ໌ນີ້ເປັນແນວໃດ?

ໃຈຮ້າຍ ໃຈຮ້າຍ
1
ໃຈຮ້າຍ
ບໍ່ມັກ ບໍ່ມັກ
0
ບໍ່ມັກ
ຕາຢ້ານ ຕາຢ້ານ
0
ຕາຢ້ານ
ຮ່າຮ່າຮ່າ ຮ່າຮ່າຮ່າ
0
ຮ່າຮ່າຮ່າ
ໜ້າຮັກ ໜ້າຮັກ
0
ໜ້າຮັກ
ບໍ່ຜ່ານ ບໍ່ຜ່ານ
1
ບໍ່ຜ່ານ
ເສຍໃຈ ເສຍໃຈ
0
ເສຍໃຈ
ປາຕິໂທ໊! ປາຕິໂທ໊!
0
ປາຕິໂທ໊!
ອີຫຍັງຫວະ ອີຫຍັງຫວະ
0
ອີຫຍັງຫວະ
ຮັກເລີຍ ຮັກເລີຍ
0
ຮັກເລີຍ
ດີໃຈ ດີໃຈ
0
ດີໃຈ
ເສົ້າ ເສົ້າ
0
ເສົ້າ
ແຊບ ແຊບ
0
ແຊບ
ຮ່າເອີຍ ຮ່າເອີຍ
1
ຮ່າເອີຍ
ຖືກໃຈ ຖືກໃຈ
0
ຖືກໃຈ
ຮ່າຈົນເຈັບທ້ອງ ຮ່າຈົນເຈັບທ້ອງ
1
ຮ່າຈົນເຈັບທ້ອງ
ຜ່ານໄດ້ ຜ່ານໄດ້
1
ຜ່ານໄດ້
Sithon999

ນັກໂພສຕ໌ອັນດັບ 1

ສະແດງຄຳຄິດເຫັນຂອງທ່ານຜ່ານເຟສບຸ໊ກ

ຄຳເຫັນ

ຄຳຄິດເຫັນ

ເມລຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້

error: