ທີເຊັນສັນຍາພັດທະນາໂຄງການ ພະລັງງານໄຟຟ້າແສງຕາເວັນ ທີ່ເຂດເສດຖະກິດສະເພາະທ່າແຂກ


77jowo.com

ເມື່ອເວລາປະມານ 14.00 ໂມງ ຂອງວັນທີ 26 ມັງກອນ ໄດ້ພິທີເຊັນສັນຍາພັດທະນາໂຄງການ (Project Development Aggreement Signing Ceremony) ລະຫວ່າງ ສະພາບໍລິຫານເສດຖະກິດ ເຂດເສດຖະກິດສະເພາະ ທ່າແຂກ ແຂວງຄຳມ່ວນ ກັບ ບໍລິສັດ Hainan Zhenlin Industry/Edentours GMBH Co., LTD (ສາຂາບຶງການ ປະເທດໄທ).

ພິທີເຊັນສັນຍາດັ່ງກ່າວ ຈັດຂຶ້ນຢູ່ທີ່ ສຳນັກງານສະພາບໍລິຫານເສດຖະກິດ ເຂດເສດຖະກິດສະເພາະ ທ່າແຂກ ແຂວງຄຳມ່ວນ ເພື່ອລົງທຶນພັດທະນາໂຄງການພະລັງງານໄຟຟ້າແສງຕາເວັນ "Solar Farm" ໃນເນື້ອທີ່ 54.2 ເຮັກຕາ ຢູ່ທີ່ເຂດເສດຖະກິດສະເພາະທ່າແຂກແຂວງຄຳມ່ວນ.

77jowo.com

ກ່ອນໜ້ານີ້ໄດ້ມີການລົງນາມ MOU ກັນມາກ່ອນແລ້ວ ບໍລິສັດໄຫໜານຈະເປັນຜູ້ລົງທຶນກໍ່ສ້າງໂຮງໄຟຟ້າພະລັງງານແສງຕາເວັນ ໃນພື້ນທີ່ 54.2 ເຮັກຕາ ຢູ່ທີ່ເຂດເສດຖະກິດສະເພາະດັ່ງກ່າວ ໂດຍໄດ້ນຳເອົາເຄື່ອງຈັກເຂົ້າມາບຸກເບີກປັບພື້ນທີ່ໄປແນ່ແລ້ວ ເປັນການຜະລິດໄຟຟ້າດ້ວຍລະບົບໂຊລ່າເຊລຈາກແສງຕາເວັນ ທີ່ເປັນມິດຕໍ່ສິ່ງແວດລ້ອມ.

77jowo.com

ເບື້ອງຕົ້ນຄາດວ່າ ບໍລິສັດ ຈະໃຊ້ເງິນປະມານຢູ່ທີ່ 45 ລ້ານໂດລາສະຫະລັດ ຜະລິດໄຟຟ້າພະລັງງານແສງຕາເວັນຈຳນວນ 15 ເມກະວັດ ສະໜອງໃຫ້ແກ່ໂຮງງານທີ່ຢູ່ບໍລິເວນໃກ້ຄຽງ ເຊັ່ນ ໂຮງງານຫຼອມເຫຼັກຂອງຈີນ ບາງສ່ວນກໍຈະແບ່ງໄປທີ່ໄຟຟ້າລາວ.

77jowo.com

ໃນອະນາຄົດ ບໍລິສັດ ຈະຂະຫຍາຍໄປເຖິງ 200 ເມກະວັດ ເຊິ່ງຄາດວ່າ ຈະສາມາດຈ່າຍກະແສ່ໄຟຟ້າ ສະໜອງໃຫ້ບໍລິເວນເຂດເສດຖະກິດພິເສດໄດ້ຄອບຄຸມຍິ່ງຂຶ້ນ ແລະ ອາດຂະຫຍາຍສົ່ງຂ້າມໄປຍັງປະເທດໄທ ທີ່ຈັງຫວັດນະຄອນພະນົມ.

ກຸ່ມນັກລົງທຶນທີ່ມາລົງທຶນ ແມ່ນມາຈາກເຢຍລະມັນ, ຈີນ, ຮ່ອງກົງ ຮ່ວມກັນສະໜັບສະໜຸນເງິນທຶນກໍ່ສ້າງເບື້ອງຕົ້ນປະມານ 400  ລ້ານໂດລາສະຫະລັດ ໃນການກໍ່ສ້າງສາທາລະນຸປະໂພກພື້ນຖານ ເປັນຕົ້ນ ໄຟຟ້າ, ນ້ຳປະປາ, ໂທລະສັບ, ຖະໜົນຫົນທາງ.

77jowo.com

ການນຳເຂົ້າວັດສະດຸ ແລະ ອຸປະກອນການກໍ່ສ້າງ ແມ່ນໄດ້ຮັບການຍົກເວັ້ນພາສີນຳເຂົ້າ ຍົກເວັ້ນນ້ຳມັນທີ່ຕ້ອງໄດ້ເສຍພາສີ ສ່ວນອຸປະກອນສຳລັບໂຄງການ "Solar Farm" ເຊັ່ນ ແຜງ solar cell ຮັບແສງຕາເວັນ ຈະນຳເຂົ້າມາຈາກຫຼາຍປະເທດ ເຊັ່ນ ເຢຍລະມັນ, ສະວີເດັນ, ເກົາຫຼີ, ຈີນ ສ່ວນອິນເວີຣ໌ນເຕີຣ໌ ແມ່ນຜະລິດຈາກອິສະຣາເອລ ເປັນຕົ້ນ.

ໂຄງການີ້ຄາດວ່າຈະໃຊ້ເວລາດຳເນີນການກໍ່ສ້າງຢູ່ປະມານ 2 ປີ ຈຶ່ງຈະສຳເລັດ ໂດຍມີສັນຍາຢູ່ທີ່ 75 ປີ ໄລຍະທຳອິດ 50 ປີ ແລະ ສາມາດຕໍ່ສັນຍາໄດ້ອີກ 25 ປີ.

ຮຽບຮຽງ: khianlao.com / ທີ່ມາ: 77jowo.com


ໂພສຕ໌ນີ້ຖືກໃຈຢູ່ບໍ່? ແບ່ງປັນໃຫ້ເພື່ອນໄດ້ຮູ້ນຳແນ່!

ການຕອບຮັບຂອງທ່ານຕໍ່ໂພສຕ໌ນີ້ເປັນແນວໃດ?

ໃຈຮ້າຍ ໃຈຮ້າຍ
0
ໃຈຮ້າຍ
ບໍ່ມັກ ບໍ່ມັກ
0
ບໍ່ມັກ
ຕາຢ້ານ ຕາຢ້ານ
0
ຕາຢ້ານ
ຮ່າຮ່າຮ່າ ຮ່າຮ່າຮ່າ
0
ຮ່າຮ່າຮ່າ
ໜ້າຮັກ ໜ້າຮັກ
0
ໜ້າຮັກ
ບໍ່ຜ່ານ ບໍ່ຜ່ານ
0
ບໍ່ຜ່ານ
ເສຍໃຈ ເສຍໃຈ
0
ເສຍໃຈ
ປາຕິໂທ໊! ປາຕິໂທ໊!
0
ປາຕິໂທ໊!
ອີຫຍັງຫວະ ອີຫຍັງຫວະ
1
ອີຫຍັງຫວະ
ຮັກເລີຍ ຮັກເລີຍ
0
ຮັກເລີຍ
ດີໃຈ ດີໃຈ
0
ດີໃຈ
ເສົ້າ ເສົ້າ
0
ເສົ້າ
ແຊບ ແຊບ
0
ແຊບ
ຮ່າເອີຍ ຮ່າເອີຍ
0
ຮ່າເອີຍ
ຖືກໃຈ ຖືກໃຈ
2
ຖືກໃຈ
ຮ່າຈົນເຈັບທ້ອງ ຮ່າຈົນເຈັບທ້ອງ
0
ຮ່າຈົນເຈັບທ້ອງ
ຜ່ານໄດ້ ຜ່ານໄດ້
0
ຜ່ານໄດ້
Sithon999

ນັກໂພສຕ໌ອັນດັບ 1

ສະແດງຄຳຄິດເຫັນຂອງທ່ານຜ່ານເຟສບຸ໊ກ

ຄຳເຫັນ

ຄຳຄິດເຫັນ

ເມລຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້

error: