ສະໜາມບິນໜອງຄ້າງຈະສຳເລັດໃນວັນຊາດປີນີ້ ລາວຈະອຳນວຍຄວາມສະດວກແກ່ການລົງທຶນຫວຽດນາມ


VNA

ທ່ານ ທອງລຸນ ສີສຸລິດ ນາຍົກລັດຖະມົນຕີ ສປປ ລາວ ໄດ້ໃຫ້ກຽດຕ້ອນຮັບການເຂົ້າພົບປະ ຂອງ ທ່ານ Tran Ba Duong ປະທານບໍລິສັດ Truong Hai Auto Corporation (THACO) ແລະ ທ່ານ Doan Nguyen Duc ປະທານກຸ່ມບໍລິສັດ Hoang Anh Gia Lai Group ໃນວັນທີ 24 ມັງກອນ ທີ່ຜ່ານມາ.

ອີງຕາມການລາຍງານຈາກ Vietnamplus ທ່ານ ນາຍົກ ທອງລຸນ ໄດ້ສະແດງຄວາມຂອບໃຈຕໍ່ຍຸດທະສາດຂອງສອງບໍລິສັດ ໃນການລົງທຶນແບບຍືນຍົງ ໃນຂະແໜງກະສິກຳຢູ່ລາວ ພ້ອມທັງໄດ້ໃຫ້ຄຳໝັ້ນສັນຍາວ່າ ຈະສ້າງເງື່ອນໄຂ ອຳນວຍຄວາມສະດວກໃຫ້ແກ່ບັນດາບໍລິສັດຫວຽດນາມ ໄດ້ສືບຕໍ່ລົງທຶນພັດທະນາຂະແໜງກະສິກຳຢູ່ລາວຕໍ່ໄປ.

ນອກຈາກນີ້ ນາຍົກລັດຖະມົນຕີ ສປປລາວ ຍັງໄດ້ສະແດງຄຳຍ້ອງຍໍຊົມເຊີຍຕໍ່ຄວາມສູ້ຊົນ ບຸກບືນ ຂອງບັນດາບໍລິສັດທັງສອງ ທີ່ຈະກໍ່ສ້າງສະໜາມບິນໜອງຄ້າງໃຫ້ແລ້ວສຳເລັດ ແລະ ສົ່ງມອບ ພາຍໃນວັນຊາດ ທີ 2 ທັນວາ ປີນີ້.

ທ່ານ Duc ປະທານກຸ່ມບໍລິສັດ Hoang Anh Gia Lai ໄດ້ລາຍງານຕໍ່ ທ່ານນາຍົກລັດຖະມົນຕີ ທອງລຸນ ສີສຸລິດ ວ່າ ການລົງທຶນຂອງບໍລິສັດ ໄດ້ຮັບຜົນກະທົບຈາກລາຄາຢາງລາເທັກສ໌ໃນຕະຫຼາດໂລກທີ່ຕົກຕ່ຳຫຼາຍ ເຊິ່ງເຮັດໃຫ້ບໍລິສັດບໍ່ສາມາດສືບຕໍ່ບຸກບືນສ້າງສະໜາມບິນໜອງຄ້າງໄດ້ສຳເລັດ.

ທ່ານ Duc ກ່າວຕື່ມວ່າ ກຸ່ມບໍລິສັດຂອງພວກເພິ່ນ ໄດ້ລົງນາມຂໍ້ຕົກລົງຍຸດທະສາດ ຮ່ວມກັບ ບໍລິສັດ THACO ເມື່ອເດືອນສິງຫາປີກາຍນີ້ ໂດຍບໍລິສັດ THACO ຈະເປັນຜູ້ໃຫ້ການສະໜັບສະໜຸນດ້ານທຶນຮອນໃຫ້ແກ່ Hoang Anh Gia Lai ເພື່ອນຳເອົາໄປສືບຕໍ່ ແລະ ຊຳລະໜີ້ສິນ.

ປັດຈຸບັນນີ້ Hoang Anh Gia Lai ໄດ້ຜ່ານອຸປາສັກ ຂໍ້ຫຍຸ້ງຍາກ ກ່ຽວກັບບັນຫາດ້ານການເງິນມາແລ້ວ ສະພາບການເງິນຂອງບໍລິສັດກັບມາສະຖຽນລະພາບ ແລະ ຈະໄດ້ສືບຕໍ່ລົງທຶນໃນຂະແໜງກະສິກຳຢູ່ລາວຕໍ່ໄປ ປະທານກຸ່ມບໍລິສັດ Hoang Anh Gia Lai ກ່າວ.

ສ່ວນທ່ານ Duong ປະທານບໍລິສັດ THACO ກ່າວວ່າ ບໍລິສັດຂອງພວກເພິ່ນຈະສະໜອງອຸປະກອນເຄື່ອງຈັກທີ່ນຳໃຊ້ເຂົ້າໃນວຽກງານກະສິກຳ ພ້ອມທັງຈະນຳເອົາການແກ້ໄຂບັນຫາດ້ານກົນຈັກມາສູ່ Hoang Anh Gia Lai ຢູ່ທີ່ແຂວງອັດຕະປືນຳ.

ນອກຈາກນີ້ ບໍລິສັດຍັງຈະເປີດເສັ້ນທາງ ຈາກແຂວງອັດຕະປືໄປທີ່ສວນ THACO agro-forestry-industry Park ແລະ ທ່າເຮືອ Chu Lai Port ທີ່ແຂວງກວາງນຳ ຫວຽດນາມ ໂດຍຜ່ານດ່ານໂບອີ້ ທີ່ແຂວງກອນຕຸມ (Bo Y border).

ທ່ານ Duong ກ່າວວ່າ THACO ແລະ Hoang Anh Gia Lai ຈະເຮັດວຽກຮ່ວມກັນໃຫ້ບັນລຸເປົ້າໝາຍ ເພື່ອພັດທະນາການປູກຕົ້ນໄມ້ໃຫ້ໝາກຢູ່ລາວ ໂດຍ THACO ຈະສ້າງມູນຄ່າຕ່ອງໂສ້ ແລະ ຂະຫຍາຍແບບຢ່າງການປູກຝັງຂະໜາດໃຫຍ່ ພ້ອມທັງຈະນຳເອົາເຕັກໂນໂລຢີມາສູ່ຊາວກະສິກຳຢູ່ລາວ ເພື່ອພັດທະນາກະສິກຳແບບຍືນຍົງ ແລະ ມີມູນຄ່າທີ່ສູງ.

ອີງຕາມທີ່ທ່ານ Duong ໄດ້ກ່າວ THACO ຈະສະໜອງເງິນຈຳນວນ 12 ລ້ານໂດລາສະຫະລັດ ໃຫ້ແກ່ Hoang Anh Gia Lai ເພື່ອນຳໃຊ້ເຂົ້າໃນວຽກງານການກໍ່ສ້າງສະໜາມບິນໜອງຄ້າງທີ່ຍັງຄົງຄ້າງຢູ່ນັ້ນໃຫ້ແລ້ວສຳເລັດ.

ໂດຍບໍລິສັດ THACO ຈະມອບໃຫ້ ບໍລິສັດ Dai Quang Minh ທີ່ເປັນບໍລິສັດໃນເຄືອ ເປັນຜູ້ໃຫ້ການຊ່ວຍເຫຼືອໃນດ້ານການບໍລິຫານ ແລະ ເບິ່ງແຍງເລື່ອງການກໍ່ສ້າງ ເພື່ອໃຫ້ການກໍ່ສ້າງສະໜາມບິນໜອງຄ້າງສຳເລັດຕາມກຳນົດເວລາທີ່ກຸ່ມບໍລິສັດ Hoang Anh Gia Lai ໄດ້ໃຫ້ຄຳໝັ້ນສັນຍາຕໍ່ ທ່ານ ນາຍົກລັດຖະມົນຕີ ທອງລຸນ ສີສຸລິດ.

ໂຄງການກໍ່ສ້າງສະໜາມບິນໜອງຄ້າງ ແຂວງຫົວພັນ ລິເລີ່ມມາແຕ່ວັນທີ 14 ມີນາ 2013 ບົນພື້ນທີ່  183 ເຮັກຕາ ໃນງົບປະມານ 80 ລ້ານໂດລາສະຫະລັດ ມາຮອດປັດຈຸບັນນີ້ ຍັງບໍ່ທັນສຳເລັດເທື່ອ ການກໍ່ສ້າງໄດ້ຢຸດເຊົາຊົ່ວຄາວ ເນື່ອງຈາກພົບບັນຫາທາງດ້ານການເງິນ.

ຮຽບຮຽງ: khianlao.com


ໂພສຕ໌ນີ້ຖືກໃຈຢູ່ບໍ່? ແບ່ງປັນໃຫ້ເພື່ອນໄດ້ຮູ້ນຳແນ່!

ການຕອບຮັບຂອງທ່ານຕໍ່ໂພສຕ໌ນີ້ເປັນແນວໃດ?

ໃຈຮ້າຍ ໃຈຮ້າຍ
0
ໃຈຮ້າຍ
ບໍ່ມັກ ບໍ່ມັກ
0
ບໍ່ມັກ
ຕາຢ້ານ ຕາຢ້ານ
2
ຕາຢ້ານ
ຮ່າຮ່າຮ່າ ຮ່າຮ່າຮ່າ
0
ຮ່າຮ່າຮ່າ
ໜ້າຮັກ ໜ້າຮັກ
1
ໜ້າຮັກ
ບໍ່ຜ່ານ ບໍ່ຜ່ານ
1
ບໍ່ຜ່ານ
ເສຍໃຈ ເສຍໃຈ
1
ເສຍໃຈ
ປາຕິໂທ໊! ປາຕິໂທ໊!
2
ປາຕິໂທ໊!
ອີຫຍັງຫວະ ອີຫຍັງຫວະ
0
ອີຫຍັງຫວະ
ຮັກເລີຍ ຮັກເລີຍ
0
ຮັກເລີຍ
ດີໃຈ ດີໃຈ
4
ດີໃຈ
ເສົ້າ ເສົ້າ
1
ເສົ້າ
ແຊບ ແຊບ
0
ແຊບ
ຮ່າເອີຍ ຮ່າເອີຍ
2
ຮ່າເອີຍ
ຖືກໃຈ ຖືກໃຈ
3
ຖືກໃຈ
ຮ່າຈົນເຈັບທ້ອງ ຮ່າຈົນເຈັບທ້ອງ
1
ຮ່າຈົນເຈັບທ້ອງ
ຜ່ານໄດ້ ຜ່ານໄດ້
3
ຜ່ານໄດ້
Sithon999

ນັກໂພສຕ໌ອັນດັບ 1

ສະແດງຄຳຄິດເຫັນຂອງທ່ານຜ່ານເຟສບຸ໊ກ

ຄຳເຫັນ

ຄຳຄິດເຫັນ

ເມລຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້

error:
ເລືອກຮູບແບບໂພສຕ໌
Quiz ທົດສອບຄຸນລັກສະນະ
ສ້າງຄຳຖາມທີ່ຫຼາກຫຼາຍເພື່ອທວຍໃຈ
Quiz ທົດສອບປັນຍາ
ສ້າງຄຳຖາມທີ່ຫຼາກຫຼາຍເພື່ອທວຍປັນຫາ
ແບບສຳຫຼວດ
ສ້າງແບບສຳຫຼວດເພື່ອເອົາຂໍ້ມູນຈາກການໂຫວດ
ໂພສຕ໌ທົ່ວໄປ
ສາມາດໃສ່ຮູບແບບໂພສຕ໌ໄດ້ຫຼາກຫຼາຍ
ໂພສຕ໌ແບບຈັດອັນດັບ (1)
ໂພສຕ໌ແບບມີຫົວຂໍ້ຕົວເລກຈັດອັນດັບ
ແບບຈັດອັນດັບຖອຍຫຼັງ
ໂພສຕ໌ແບບມີຫົວຂໍ້ຕົວເລກຈັດອັນດັບຖອຍຫຼັງ
ໂພສຕ໌ແບບຈັດອັນດັບ (2)
ໂພສຕ໌ແບບຈັດອັນດັບ ມີໂຫວດ ສະແດງຄຳເຫັນ
ວິດີໂອ
ໃສ່ວິດີໂອຈາກ Youtube, Facebook, Vimeo