ຊາວປາກເຊ ກຽມສະເຫຼີມສະຫຼອງນະຄອນປາກເຊ ຫຼັງຈາກລັດຖະບານອອກດຳລັດສ້າງຕັ້ງສາມນະຄອນ


Cr: Tango7174/WikiCommons

ອີງຕາມດຳລັດວ່າດ້ວຍການສ້າງຕັ້ງ 3 ນະຄອນໃໝ່ ໃນວັນທີ 11 ເມສາ 2018 ເຊິ່ງປ່ຽນຈາກເມືອງປາກເຊມາເປັນນະຄອນປາກເຊ ປ່ຽນຈາກເມືອງໄກສອນພົມວິຫານມາເປັນນະຄອນໄກສອນພົມວິຫານ ແລະ ປ່ຽນຈາກເມືອງຫຼວງພຣະບາງມາເປັນນະຄອນຫຼວງພຣະບາງ ຊາວປາກເຊ ກຽມສະເຫຼີມສະຫຼອງນະຄອນໃໝ່ ເຊິ່ງພິທີປະກາດສ້າງຕັ້ງເມືອງປາກເຊ ແຂວງຈໍາປາສັກ ເປັນນະຄອນປາກເຊ ນັ້ນ ຈະຈັດຂຶ້ນໃນວັນທີ 31 ພຶດສະພາ 2018 ທີ່ຈະມາເຖິງນີ້ ໃນງານຈະມີຫຼາຍໆກິດຈະກໍາ ລາຍລະອຽດນັ້ນ ທ່ານ ສຸລິວັນ ສະຫວັດທະສິນ ຄະນະປະຈໍາພັກແຂວງ ເຈົ້າເມືອງໆປາກເຊ ຮອງປະທານ ຜູ້ປະຈໍາການຄະນະຮັບຜິດຊອບຊີ້ນໍາລວມ ໃນການກະກຽມປະກາດເມືອງປາກເຊ ເປັນນະຄອນ ໃຫ້ສໍາພາດໃນວັນທີ 10 ພຶດສະພາ 2018 ນີ້ວ່າ 

ໃນງານປະກາດເມືອງປາກເຊ ເປັນນະຄອນ ທີ່ຈະມີຂຶ້ນໃນມໍ່ໆນີ້ ຈະມີຫຼາຍໆກິດຈະກໍາໃຫຍ່ ຄື ວັນທີ 29 ພຶດສະພາ 2018 ຄະນະຮັບຜິດຊອບພວກເຮົາ ຈະໄດ້ຫ້າງຫາກະກຽມຕັ້ງກອງບຸນຂຶ້ນ 3 ກອງ ຕອນແລງກໍມີພິທີສູດມຸງຄຸນ ເຊົ້າວັນທີ 30 ພຶດສະພາ ກໍ່ຈະມີພິທີທໍາບຸນໃສ່ບາດ ຖວາຍທານແດ່ພຣະສົງ ຕາມຮີດຄອງປະເພນີອັນດີງາມຂອງຄົນລາວຊາວພຸດ ທີ່ເຄີຍຈັດຕັ້ງປະຕິບັດສືບທອດກັນມາແຕ່ບູຮານນະການ ເພື່ອອຸທິດບຸນກຸສົນໃຫ້ແກ່ບັນພະບູລຸດ ກໍຄືອະດີດການນໍາເມືອງປາກເຊ ແຕ່ລະໄລຍະ ຜູ້ທີ່ລ່ວງລັບໄປແລ້ວນັ້ນ ທັງເປັນການຄອບບອກເຈົ້າຖິ່ນເຈົ້າຖານທັງຫຼາຍ ໃຫ້ຮັບຮູ້ເຖິງການປະກາດສ້າງຕັ້ງເມືອງປາກເຊ ເປັນນະຄອນ ເພື່ອສ້າງສາພັດທະນາໃຫ້ມີຄວາມຈະເລີນຮຸ່ງເຮືອງຕໍ່ໄປພາຍໜ້າ

ທ່ານ ສຸລິວັນ ສະຫວັດທະສິນ ກ່າວຕໍ່ອີກວ່າ ຕອນເຊົ້າວັນທີ 31 ພຶດສະພາ 2018 ກໍ່ຈະມີກິດຈະກໍາຂະບວນການອອກແຮງງານອະນາໄມລວມຄັ້ງໃຫຍ່ ໂດຍຊຸກຍູ້ໃຫ້ບັນດາຂະແໜງການກົມກອງ ສໍານັກງານ ຄຸ້ມບ້ານຕ່າງໆທີ່ນອນໃນຂອບເຂດເມືອງປາກເຊ ເຮັດອະນາໄມຕາມຖະໜົນຫົນທາງສາຍສໍາຄັນ ພ້ອມທັງຕິດທຸງຊາດ ທຸງທິວ ປະດັບປະດາຕາມສໍານັກງານ ອົງການໃນຂອບເຂດຄວາມຮັບຜິດຊອບຂອງຕົນ ໂດຍສະເພາະແມ່ນຂອບເຂດຂອງເມືອງປາກເຊ ນັບແຕ່ຫຼັກ 9 ເໜືອ – ຫຼັກ 9 ໃຕ້

Cr: Mattis/WikiCommons

ຕໍ່ມາ ກໍຈະມີກິດຈະກໍາແຫ່ອ້ອມເມືອງ ເຊິ່ງແຫ່ດ້ວຍລົດຕ່າງໜ້າຂອງຂະແໜງການກົມກອງ ບັນດາບໍລິສັດ ລັດວິສາຫະກິດ ຫ້າງຮ້ານ ແລະໂຮງແຮມຕ່າງໆ ບໍ່ຫຼຸດ 20 ຂະບວນ ທັງປະດັບປະດາ ຜູກໂບ ແລະ ຕິດປ້າຍປະກາດ ເມືອງປາກເຊ ເປັນນະຄອນ ໂດຍໃຊ້ເວລາໃນການແຫ່ປະມານ 2-3 ຊົ່ວໂມງ ຕອນແລງ ກໍ່ຈະມີພິທີປະກາດເມືອງປາກເຊ ເປັນນະຄອນ ຢ່າງເປັນທາງການ ຢູ່ສະໜາມກິລາຫຼັກ 2 ເມື່ອກ້ອນກໍາລັງຕ່າງໆເຂົ້າສູ່ສະໜາມຮຽບຮ້ອຍແລ້ວ ກໍ່ຈະມີການສະແດງສິລະປະ ການສະແດງບົດຟ້ອນສຽງແຄນລາວເປັນມໍລະດົກໂລກ ບົດຟ້ອນຢ້ອນຍຸກ ຫຼື ບົດຟ້ອນລາວຮ່ວມສະໄໝ ລໍາສີພັນດອນ

ພິເສດ ຄະນະຮັບຜິດຊອບຈັດງານພວກເຮົາ ໄດ້ເຊີນເອົາ ນາງ ແຜັດ ເພັດດາວອນ ຄໍາມະນີວົງ ນັກຮ້ອງ ແຊັມ 21 ສະໄໝ ຈາກລາຍການ ເສິກວັນດວນເພງ ທີ່ຫຼາຍໆຄົນຮູ້ຈັກ ມາຮ້ອງເພງໃຫ້ພໍ່ແມ່ພີ່ນ້ອງຟັງ ແລະ ມີການສະແດງສວນສະໜາມຂອງກອງຕຸລິຍາງຈາກກອງທັບປະຊາຊົນລາວຕື່ມອີກ ຈາກນັ້ນ ກໍເຂົ້າສູ່ພິທີປະກາດເມືອງປາກເຊ ເປັນນະຄອນຢ່າງເປັນທາງການ ເຊິ່ງຈະມີການຜ່ານປະຫວັດຄວາມເປັນມາຂອງເມືອງປາກເຊ ໂດຍຫຍໍ້ ແລະ ຜ່ານບົດລາຍງານການກະກຽມສ້າງເມືອງປາກເຊ ເປັນນະຄອນ ຜ່ານດໍາລັດຂອງນາຍົກລັດຖະມົນຕີ ວ່າດ້ວຍການສ້າງຕັ້ງນະຄອນປາກເຊ ຕໍ່ມາ ກໍແມ່ນຕາງໜ້າມວນຊົນຊາວເມືອງປາກເຊ ຂຶ້ນຜ່ານບົດສະແດງຄວາມດີໃຈ ທີ່ເມືອງປາກເຊ ຖືກປະກາດເປັນນະຄອນ

ຈາກນັ້ນ ກໍເຊີນຄະນະປະທານຂຶ້ນລັ່ນຄ້ອງໃຫຍ່ 9 ບາດ ປ່ອຍນົກສັນຕິພາບ ປ່ອຍປຸ່ມເປົ້າ ແລະ ຕັດແຖບຜ້າ ເປີດປ້າຍຈໍາລອງນະຄອນປາກເຊ ແລະ ໃນເວລານີ້ ກໍ່ຈະມີການຈູດດອກໄມ້ໄຟ ຕີກອງ 9 ຄູ່ ພ້ອມທັງເຊີນຊວນມວນຊົນທີ່ເຂົ້າຮ່ວມພາກັນຕົບມືສະແດງຄວາມດີໃຈ 5 ນາທີ ເພື່ອເຮັດໃຫ້ງານມີບັນຍາກາດຟົດຟື້ນມ່ວນຊື່ນ ແລະ ມີເນື້ອໃນຄວາມໝາຍເລິກເຊິ່ງ

ຂໍ້ມູນຈາກ: champamai


ໂພສຕ໌ນີ້ຖືກໃຈຢູ່ບໍ່? ແບ່ງປັນໃຫ້ເພື່ອນໄດ້ຮູ້ນຳແນ່!

ການຕອບຮັບຂອງທ່ານຕໍ່ໂພສຕ໌ນີ້ເປັນແນວໃດ?

ໃຈຮ້າຍ ໃຈຮ້າຍ
0
ໃຈຮ້າຍ
ບໍ່ມັກ ບໍ່ມັກ
0
ບໍ່ມັກ
ຕາຢ້ານ ຕາຢ້ານ
0
ຕາຢ້ານ
ຮ່າຮ່າຮ່າ ຮ່າຮ່າຮ່າ
0
ຮ່າຮ່າຮ່າ
ໜ້າຮັກ ໜ້າຮັກ
0
ໜ້າຮັກ
ບໍ່ຜ່ານ ບໍ່ຜ່ານ
0
ບໍ່ຜ່ານ
ເສຍໃຈ ເສຍໃຈ
0
ເສຍໃຈ
ປາຕິໂທ໊! ປາຕິໂທ໊!
3
ປາຕິໂທ໊!
ອີຫຍັງຫວະ ອີຫຍັງຫວະ
0
ອີຫຍັງຫວະ
ຮັກເລີຍ ຮັກເລີຍ
0
ຮັກເລີຍ
ດີໃຈ ດີໃຈ
0
ດີໃຈ
ເສົ້າ ເສົ້າ
0
ເສົ້າ
ແຊບ ແຊບ
0
ແຊບ
ຮ່າເອີຍ ຮ່າເອີຍ
0
ຮ່າເອີຍ
ຖືກໃຈ ຖືກໃຈ
2
ຖືກໃຈ
ຮ່າຈົນເຈັບທ້ອງ ຮ່າຈົນເຈັບທ້ອງ
0
ຮ່າຈົນເຈັບທ້ອງ
ຜ່ານໄດ້ ຜ່ານໄດ້
0
ຜ່ານໄດ້
ຄົນປາກເຊ

ນັກໂພສຕ໌ອັນດັບ 1

ເປັນຄົນປາກເຊ ສົນໃຈເລື່ອງຂຽນໂພສຕ໌ ແບ່ງປັນຂໍ້ມູນຂ່າວສານ ຖ້າທ່ານມີຄຳຖາມເລື່ອງທັມມະ ທ່ານສາມາດໂພສຕ໌ຄຳຖາມຂອງທ່ານຢູ່ກະດານຄຳຖາມ ແລ້ວຂ້າພະເຈົ້າຈະຫາຂໍ້ມູນມາໃຫ້ທ່ານເອງ!

ສະແດງຄຳຄິດເຫັນຂອງທ່ານຜ່ານເຟສບຸ໊ກ

ຄຳເຫັນ

ຄຳຄິດເຫັນ

ເມລຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້

error: