ລາວປະກາດ ເດີນໜ້າເຂື່ອນປາກລາຍແຫ່ງທີ 4 ໄຊຍະບູລີ


ລັດຖະບານລາວ ຢືນຢັນເດີນໜ້າກໍ່ສ້າງເຂື່ອນໄຟຟ້າຕໍ່ໄປໃນແມ່ນ້ຳຂອງ ເພື່ອຜະລິດພະລັງງານຮັບຮອງຄວມຕ້ອງການໃນພາກພື້ນອິນດູຈິນ ພາຍໃຕ້ຍຸດທະສາດ ການເປັນ "ແບັດເຕີຣີແຫ່ງອາຊີ" ໃນປີ 2030 Cr: voicetv

ໃນວັນທີ 14 ມິຖຸນາ 2018 ຄະນະກຳມາທິການແມ່ນ້ຳຂອງ ຫຼື MRC ໄດ້ປະກາດວ່າ ທາງຄະນະກຳມາທິການແມ່ນ້ຳຂອງ ໄດ້ຮັບແຈ້ງຢ່າງເປັນທາງການ ຈາກທາງລັດຖະບານລາວ ເຖິງເຈດຈຳນົງໃນການກໍ່ສ້າງເຂື່ອນປາກລາຍໃນແມ່ນ້ຳຂອງ ເຊິ່ງຂັ້ນຕອນດັ່ງກ່າວສົ່ງຜົນກໍ່ໃຫ້ເກີດຂະບວນການທີ່ຕ້ອງໄດ້ປຶກສາຫາລືກັນລ່ວງໜ້າ ຕາມລະບຽບເລື່ອງການແຈ້ງ ປຶກສາຫາລື ແລະຂໍ້ຕົກລົງລ່ວງໜ້າ (Procedures for Notification, Prior Consultation and Agreement: PNPCA) ຂອງຄະນະກຳມາທິການແມ່ນ້ຳຂອງ ເຂື່ອນປາກລາຍ ຖືເປັນເຂື່ອນໃນແມ່ນ້ຳຂອງແຫ່ງທີ 4 ທີ່ໄດ້ສະເໜີເຂົ້າສູ່ຂັ້ນຕອນດັ່ງກ່າວ

"ຄະນະກຳມາທິການແມ່ນ້ຳຂອງແລະລັດຖະບານລາວຍັງບໍ່ສາມາດແກ້ໄຂຂໍ້ກະວົນທີ່ສຳຄັນໄດ້ຢ່າງຈິງຈັງ ກ່ຽວກັບໂຄງການເຂື່ອນ ທີ່ໄດ້ມີການສະເໜີ ເຂົ້າສູ່ຂະບວນການປຶກສາຫາລືລ່ວງໜ້າ ໄປກ່ອນໜ້ານີ້ ການສະເໜີຂະບວນການໃຫ້ກັບເຂື່ອນໃໝ່ແຫ່ງນີ້ ຈຶ່ງເປັນພຽງຄວາມພະຍາຍາມ ບາຍບ່ຽງຄວາມສົນໃຈຕໍ່ພັນທະທີ່ມີຢູ່" ພຽນພອນ ດີເທດ ຜູ້ອຳນວຍການຝ່າຍລົນນະລົງປະເທດໄທ ອົງການແມ່ນ້ຳນາໆຊາດ (International Rivers) ກ່າວ

"ຄາດວ່າ ໂຄງການນີ້ຈະກໍ່ໃຫ້ເກີດ ຜົນກະທົບຂ້າມພົມແດນທີ່ສຳຄັນເພີ່ມເຕີມ ຕໍ່ຊຸມຊົນແລະຕະຫຼອດເຖິງທົ່ວແມ່ນ້ຳຂອງ ນອກເໜືອຈາກຜົນກະທົບຕໍ່ຊຸມຊົນໃນຝັ່ງລາວ ເຊິ່ງທີ່ຜ່ານມາຍັງບໍ່ທັນໄດ້ຮັບການແກ້ໄຂແຕ່ຢ່າງໃດ"

ເຂື່ອນປາກລາຍ ມີກຳລັງຜະລິດ 770 ເມກະວັດ ຈະຕັ້ງຢູ່ແຂວງໄຊຍະບູລີ ເຂື່ອນນີ້ຕັ້ງຢູ່ດ້ານລຸ່ມຂອງເຂື່ອນໄຊຍະບູລີ ເຊິ່ງຕອນນີ້ ໄດ້ກໍ່ສ້າງເກືອບສຳເລັດແລ້ວ ແລະຢູ່ຫ່າງຈາກເຂດແດນໄທ ປະມານ 100 ກິໂລແມັດ

ແນວໃດກໍຕາມ ຄວາມທ້າທາຍທີ່ສຳຄັນຂອງລາວ ກໍຄື ເລື່ອງຊັບພະຍາກອນທຳມະຊາດທີ່ອາດສູນເສຍໄປ ໃນລະຫວ່າງດຳເນີນໂຄງການຂະໜາດໃຫຍ່ນີ້ ແຕ່ລາວໄດ້ພະຍາຍາມຫາທາງອອກດ້ວຍການພັດທະນາເຕັກໂນໂລຢີ ເພື່ອຫາແນວທາງການພັດທະນາທີ່ຍືນຍົງໃຫ້ແກ່ທຸກຝ່າຍ ແລະຈະຄວບຄຸມໃຫ້ປະຊາຊົນແລະຊັບພະຍາກອນທຳມະຊາດໃຫ້ໄດ້ຮັບຜົນກະທົບໜ້ອຍທີ່ສຸດ

ປັດຈຸບັນ ລາວມີແຜນການສ້າງເຂື່ອນຢູ່ລາວທັງໝົດ 11 ແຫ່ງ ເຊິ່ງລາຍງານຂອງອົງການແມ່ນ້ຳນາໆຊາດ (International Rivers) ໄດ້ເປີດເປີຍວ່າ ການກໍ່ສ້າງເຂື່ອນຈະມີປະຊາຊົນໄດ້ຮັບຜົນກະທົບໂດຍກົງ ທີ່ຕ້ອງໄດ້ຍ້າຍທີ່ຢູ່ອາໄສກວ່າ 200,000 ຄົນ ແລະປະຊາຊົນທີ່ຢູ່ບໍລິເວນແຄມຝັ່ງແມ່ນນ້ຳຂອງອີກຫຼາຍລ້ານຄົນຈະໄດ້ຮັບຜົນກະທົບຈາກລະດັບນ້ຳທີ່ປ່ຽນແປງໄປ ລວມໄປເຖິງພັນປາ ແລະລະບົບນິເວດ ທີ່ອາດສ່ຽງຕໍ່ການສູນພັນ

ທ່ານ ດ.ຣ ດາວົງ ພອນແກ້ວ ຫົວໜ້າກົມນະໂຍບາຍແລະແຜນພະລັງງານ ກະຊວງພະລັງງານແລະບໍ່ແຮ່ ໄດ້ໃຫ້ສຳພາດແກ່ຜູ້ສື່ຂ່າວ ວອຍຊ໌ ອອນໄລນ໌ ໃນລະຫວ່າງກອງປະຊຸມ ACMECS CEO Forum ທີ່ຈັດຂຶ້ນຢູ່ໂຮງແຮມ ແຊງກຣີລາ ກຸງເທບ ໃນວັນທີ 15 ມິຖຸນາ ທີ່ຜ່ານມານີ້ວ່າ ລາວພ້ອມທີ່ຈະເປັນຜູ້ນຳພະລັງງານ ໃນພາກພື້ນອິນດູຈີນ ຕາມແຜນຍຸດທະສາດ ຂອງລັດຖະບານພາຍໃນປີ 2030 ທີ່ສົ່ງເສີມການພັດທະນາແບບຍືນຍົງ ທາງ ສປປ ລາວໄດ້ສ້າງເຂື່ອນມາແລ້ວ 2 ເຂື່ອນ ປັດຈຸບັນຍັງບໍ່ພົບຜົນກະທົບ ທີ່ຫຼາຍຝ່າຍຄາດວ່າຈະເກີດຂຶ້ນ ໂດຍສະເພາະເລື່ອງປາ ແລະເລື່ອງຊັບພະຍາກອນທຳມະຊາດໃນແມ່ນ້ຳຂອງ ທີ່ເສຍຫາຍຈາກການກັ້ນນ້ຳເພື່ອການກໍ່ສ້າງເຂື່ອນ

ດ.ຣ ດາວົງ ຍັງໄດ້ຍົກເອົາກໍລະນີເລື່ອງເຂື່ອນດອນສະໂຮງ ໃນແຂວງອັດຕະປື ບໍລິເວນຊາຍແດນ ລາວ-ກຳປູເຈຍ ທີ່ເລີ່ມມີການກໍ່ສ້າງມາຕັ້ງແຕ່ປີ 2016 ເຊິ່ງພົບວ່າ ໃນປີ 2017 ທີ່ຜ່ານມາ ປະຊາຊົນສາມາດຈັບປາໃນພື້ນທີ່ຮູສະໂຮງ ທີ່ເປັນແຫຼ່ງທາງຜ່ານຂອງປາໃນແມ່ນ້ຳຂອງ ໄດ້ເພີ່ມຫຼາຍຂຶ້ນ ເຊິ່ງເປັນການສະແດງໃຫ້ເຫັນວ່າ ທາງການລາວສາມາດບໍລິຫານຈັດການເລື່ອງ ຊັບພະຍາກອນໃນແມ່ນ້ຳຂອງໄດ້

ອົງການແມ່ນ້ຳນາໆຊາດ ມີຈຸດປະສົງກະຕຸ້ນໃຫ້ລັດຖະບານ ແລະຄະນະກຳມາທິການແມ່ນ້ຳຂອງ ບໍ່ໃຫ້ເດີນໜ້າຕາມຂະບວນການປຶກສາຫາລືລ່ວງໜ້າ ເຊິ່ງເຕັມໄປດ້ວຍປັນຫາຕໍ່ໄປ ແລະໃຫ້ຫາທາງແກ້ໄຂຂໍ້ກັງວົນ ກ່ຽວກັບໂຄງການທີ່ມີຢູ່ຢ່າງໂປ່ງໃສ ແລະຍັງຮຽກຮ້ອງໃຫ້ບັນດາປະເທດລຸ່ມແມ່ນນ້ຳຂອງຕອນກາງ ສະແດງເຖິງເຈດຈຳນົງ ທີ່ຈະປະຕິບັດຕາມຂໍ້ສະເໜີ ແລະຕາມຜົນການສຶກສາຂອງຄະນະມົນຕີ ຂອງຄະນະກຳມາທິການແມ່ນ້ຳຂອງ ໂດຍຄວນມີການເຮັດບົດບັນທຶກຂໍ້ຕົກລົງ ເພື່ອຊະລໍ ການກໍ່ສ້າງໂຄງການໄຟຟ້າພະລັງງານນ້ຳເພີ່ມເຕີມ ໃນລຸ່ມແມ່ນ້ຳຂອງ ຈົນກວ່າຈະມີການສຶກສາລະດັບພູມີພາກ ເຖິງເຕັກໂນໂລຢີພະລັງງານໝູນວຽນ ແລະມີການປະເມີນທາງເລືອກອື່ນ ນອກເໜືອຈາກການພັດທະນາໄຟຟ້າພະລັງງານນ້ຳຈົນສົມບູນ

ເຂື່ອນປາກລາຍຈະກາຍເປັນເຂື່ອນແຫ່ງທີ 4 ໃນກາງແມ່ນ້ຳຂອງ 

ຮຽບຮຽງໂດຍ: Sithon999
ທີ່ມາ: voicetv,citizenthaipbs, atimes


ໂພສຕ໌ນີ້ຖືກໃຈຢູ່ບໍ່? ແບ່ງປັນໃຫ້ເພື່ອນໄດ້ຮູ້ນຳແນ່!

2 comments, 22.1k shares, 2 points

ການຕອບຮັບຂອງທ່ານຕໍ່ໂພສຕ໌ນີ້ເປັນແນວໃດ?

ໃຈຮ້າຍ ໃຈຮ້າຍ
0
ໃຈຮ້າຍ
ບໍ່ມັກ ບໍ່ມັກ
0
ບໍ່ມັກ
ຕາຢ້ານ ຕາຢ້ານ
2
ຕາຢ້ານ
ຮ່າຮ່າຮ່າ ຮ່າຮ່າຮ່າ
0
ຮ່າຮ່າຮ່າ
ໜ້າຮັກ ໜ້າຮັກ
0
ໜ້າຮັກ
ບໍ່ຜ່ານ ບໍ່ຜ່ານ
0
ບໍ່ຜ່ານ
ເສຍໃຈ ເສຍໃຈ
0
ເສຍໃຈ
ປາຕິໂທ໊! ປາຕິໂທ໊!
0
ປາຕິໂທ໊!
ອີຫຍັງຫວະ ອີຫຍັງຫວະ
0
ອີຫຍັງຫວະ
ຮັກເລີຍ ຮັກເລີຍ
0
ຮັກເລີຍ
ສັບສົນ ສັບສົນ
0
ສັບສົນ
ດີໃຈ ດີໃຈ
0
ດີໃຈ
ເສົ້າ ເສົ້າ
0
ເສົ້າ
ແຊບ ແຊບ
0
ແຊບ
ຮ່າເອີຍ ຮ່າເອີຍ
0
ຮ່າເອີຍ
ຖືກໃຈ ຖືກໃຈ
1
ຖືກໃຈ
ຮ່າຈົນເຈັບທ້ອງ ຮ່າຈົນເຈັບທ້ອງ
0
ຮ່າຈົນເຈັບທ້ອງ
ຜ່ານໄດ້ ຜ່ານໄດ້
0
ຜ່ານໄດ້
Sithon999

ນັກໂພສຕ໌ອັນດັບ 1

ສະແດງຄຳຄິດເຫັນຂອງທ່ານຜ່ານເຟສບຸ໊ກ

ຄຳເຫັນ

ຄຳຄິດເຫັນ

ເມລຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້

error:
ເລືອກຮູບແບບໂພສຕ໌
Quiz ທົດສອບຄຸນລັກສະນະ
ສ້າງຄຳຖາມທີ່ຫຼາກຫຼາຍເພື່ອທວຍໃຈ
Quiz ທົດສອບປັນຍາ
ສ້າງຄຳຖາມທີ່ຫຼາກຫຼາຍເພື່ອທວຍປັນຫາ
ແບບສຳຫຼວດ
ສ້າງແບບສຳຫຼວດເພື່ອເອົາຂໍ້ມູນຈາກການໂຫວດ
ໂພສຕ໌ທົ່ວໄປ
ສາມາດໃສ່ຮູບແບບໂພສຕ໌ໄດ້ຫຼາກຫຼາຍ
ໂພສຕ໌ແບບຈັດອັນດັບ (1)
ໂພສຕ໌ແບບມີຫົວຂໍ້ຕົວເລກຈັດອັນດັບ
ແບບຈັດອັນດັບຖອຍຫຼັງ
ໂພສຕ໌ແບບມີຫົວຂໍ້ຕົວເລກຈັດອັນດັບຖອຍຫຼັງ
ໂພສຕ໌ແບບຈັດອັນດັບ (2)
ໂພສຕ໌ແບບຈັດອັນດັບ ມີໂຫວດ ສະແດງຄຳເຫັນ
ວິດີໂອ
ໃສ່ວິດີໂອຈາກ Youtube, Facebook, Vimeo