ທີມສຳຫຼວດຖ້ຳຈາກຍີ່ປຸ່ນຄົ້ນພົບຖ້ຳໃນລາວ ເຜີຍ ຖ້ຳແຂວງວຽງຈັນ ອາດເປັນຖ້ຳທີ່ໃຫຍ່ທີ່ສຸດໃນໂລກ


ທີມສຳຫຼວດກຳລັງລອຍນ້ຳເຂົ້າໄປໃນຖ້ຳ ໃນຈຸດທີ່ບໍ່ສາມາດນຳເຮືອເຂົ້າໄປໄດ້  Cr: NHK

ທ່ານ ຄັດຊຶຈິ ໂຍຊິດະ (Katsuji Yoshida) ເປັນໜຶ່ງໃນນັກສຳຫຼວດຖ້ຳ ທີ່ມີຊື່ສຽງໂດ່ງດັງຂອງໂລກ ເຄີຍສຳຫຼວດຖ້ຳມາແລ້ວຫຼາຍບ່ອນ ແລະໄດ້ຄົ້ນພົບຖ້ຳແຫ່ງໃໝ່ໃນໂລກມາແລ້ວ 6 ແຫ່ງ ຫຼັງຈາກ ທີ່ໄດ້ສຶກສາກ່ຽວກັບຖ້ຳມາດົນ ຈຶ່ງຕັ້ງສົມມຸດຖານຂຶ້ນມາວ່າ ຢູ່ລາວອາດມີຖ້ຳທີ່ໃຫຍ່ທີ່ສຸດໃນໂລກກໍເປັນໄດ້ ສະນັ້ນ ຈຶ່ງໄດ້ເລີ່ມການວິໄຈແລະສຳຫຼວດ ຖ້ຳຢູ່ລາວເປັນເວລາເຖິງ 2 ປີ 

ທີມງານສຳຫຼວດ ໄດ້ໃຊ້ເວລາສຳຫຼວດຖ້ຳຢູ່ລາວ ທີ່ຍັງບໍ່ທັນເຄີຍມີການສຳຫຼວດມາກ່ອນ ຫຼັງຈາກທີ່ໄດ້ຮັບຂໍ້ມູນຈາກຊາວບ້ານແລ້ວ ຈຶ່ງຕັດສິນໃຈ ສຳຫຼວດຖ້ຳຢູ່ ເມືອງແມດ ແຂວງວຽງຈັນ ບາງຄົນອາດຮູ້ຈັກແລະເຄີຍໄປມາແລ້ວ ແຕ່ຖ້ຳແຫ່ງນີ້ ຍັງບໍ່ທັນເຄີຍມີນັກສຳຫຼວດກຸ່ມໃດ ເຂົ້າໄປສຳຫຼວດຢູ່ຂ້າງໃນມາກ່ອນ ທີມງານສຳຫຼວດກຸ່ມນີ້ຖືວ່າ ເປັນກຸ່ມທຳອິດທີ່ໄດ້ຮັບອະນຸຍາດຈາກລັດຖະບານລາວ ໃຫ້ເຂົ້າໄປສຳຫຼວດ

ທີມສຳຫຼວດ ມີຢູ່ດ້ວຍກັນ 6 ຄົນ ທັງໝົດລ້ວນແຕ່ເປັນນັກຊ່ຽວຊານສຳຫຼວດຖ້ຳລະດັບໂລກ ທີ່ມີປະສົບການ ແລະເຄີຍສຳຫຼວດຖ້ຳມາແລ້ວຫຼາຍແຫ່ງ

ທ່ານ ຄັດຊຶຈິ ໂຍຊິດະ ກຳລັງເດີນທາງໄປທີ່ຖ້ຳ ທີ່ກຳລັງທຳການສຳຫຼວດ Cr: NHK

ຫຼັງຈາກ ຊ້ອງໂທລະພາບ NHK ຂອງຍີ່ປຸ່ນ ໄດ້ຮັບຂ່າວນີ້ ກໍໄດ້ສົ່ງຜູ້ສື່ຂ່າວ 3 ຄົນ ເດີນທ່າງໄປທີ່ຖ້ຳຮ່ວມກັບທີມງານສຳຫຼວດ ເມື່ອມາຮອດປາກຖ້ຳ ພວກເຂົາຕ່າງພາກັນຕະລຶງກັບຄວາມໃຫຍ່ຂອງຖ້ຳ ຢູ່ໃນຖ້ຳ ມີສາຍນ້ຳ ຕ້ອງໄດ້ໃຊ້ເຮືອເດີນທາງເຂົ້າໄປ ແລ້ວມາຕັ້ງຄ້າຍ ຢູ່ທີ່ຈຸດໆໜຶ່ງໃນຖ້ຳ ເຊິ່ງຫ່າງຈາກປາກຖ້ຳປະມານ 20 ນາທີ ອີງຕາມຂໍ້ມູນຈາກຊາວບ້ານ ຊາວບ້ານເຄີຍມາຮອດແຕ່ຈຸດນີ້ ໄກກວ່ານັ້ນແມ່ນບໍ່ເຄີຍເຂົ້າໄປ

Cr: nikkan-spa

ທີມງານສຳຫຼວດຕັ້ງຄ້າຍຢູ່ຈຸດນີ້ເປັນເວລາໜຶ່ງເດືອນ ບ່ອນຄ້າຍທີ່ພັກມືດຫຼາຍ ຖ້າບໍ່ມີໄຟສາຍ ຈະບໍ່ເຫັນຫຍັງເລີຍ ໜຶ່ງໃນທີມສຳຫຼວດ ເລົ່າເຖິງຄວາມຍາກລຳບາກ ໃນການໃຊ້ຊີວິດຢູ່ໃນຖ້ຳແຫ່ງນີ້ ສູ່ຜູ້ສື່ຂ່າວຊ້ອງ NHK ຟັງວ່າ ຢູ່ໃນຖ້ຳຈະໜາວຫຼາຍ ໃນຖ້ຳມີສາຍນ້ຳໃຫຍ່ ວັດແທກຄວາມກວ້າງໄດ້ 30 ແມັດ ບາງຈຸດຂອງສາຍນ້ຳ ມີຄວາມເລິກ ບໍ່ສາມາດຍ່າງໄດ້ ຈຳເປັນຕ້ອງລອຍເອົາ ແລະຕ້ອງໄດ້ແບກເອົາອຸປະກອນທັງໝົດເຂົ້າໄປນຳ ເປັນຕົ້ນແມ່ນ ກ້ອງ, ໄຟສາຍ, ວິທະຍຸສື່ສານ ເມື່ອລອຍນ້ຳ ໂຕກໍປຽກ ຍິ່ງເພີ່ມຄວາມໜາວເຂົ້າໄປອີກ ຍິ່ງໄປກວ່ານັ້ນ ເວລາຖ່າຍໜັກ ກໍລຳບາກ ຕ້ອງໄດ້ຖ່າຍໃສ່ຖົງຢາງ ຖ່າຍຢູ່ໃນຖ້ຳບໍ່ໄດ້ ເນື່ອງຈາກວ່າໃນຖ້ຳ ບໍ່ມີແບັກທີເຣຍຄືກັບທາງນອກ ສະນັ້ນ ນັກສຳຫຼວດ ບໍ່ຢາກທຳລາຍຄວາມບໍລິສຸດຂອງສະພາບແວດລ້ອມທີ່ຢູ່ຂ້າງໃນ ແລະນີ້ກໍຖືວ່າເປັນໜຶ່ງໃນຫຼັກການສຳຫຼວດຂອງນັກສຳຫຼວດຖ້ຳ ສະນັ້ນ ຕ້ອງໄດ້ຖ່າຍໃສ່ຖົງຢາງແລ້ວເອົາມາຖິ້ມຢູ່ຂ້າງນອກ

Cr: nikkan-spa

ຢູ່ໃນຖ້ຳ ມີຫີນຍ້ອຍທີ່ບໍລິສຸດ ທີມສຳຫຼວດກ່າວວ່າ ຫີນຍ້ອຍນີ້ມີສີຂາວກວ່າບ່ອນອື່ນໆທີ່ເຄີຍພົບມາ ສະພາບອາກາດໃນຖ້ຳ ມີຄວາມສົດຫຼາຍ ຄວາມຊຸ່ມ (Humidity) ໃນຖ້ຳມີຫຼາຍກວ່າ 98% ເຮັດໃຫ້ກ້ອງທີ່ທີມສຳຫຼວດນຳເຂົ້າໄປນັ້ນ ໃຊ້ການບໍ່ໄດ້ 4 ໜ່ວຍ ຈາກ ທັງໝົດ 8 ໜ່ວຍທີ່ນຳເຂົ້າໄປ ກ້ອງທີ່ເພແມ່ນກ້ອງທີ່ມີປະສິດທິພາບໃນການຖ່າຍທຳສູງ ຍັງເຫຼືອແຕ່ກ້ອງກັນນ້ຳໄດ້ ທີບໍ່ເພ ແຕ່ປະສິດທິພາບໃນການຖ່າຍທຳ ບໍ່ໄດ້ເທົ່າກ້ອງທີ່ເພ ອັນທີ່ຈິງແລ້ວ ມືກ້ອງມີປະສົບການໃນການຖ່າຍທຳໃນຖ້ຳສູງ ຖ່າຍໃນຖ້ຳມາແລ້ວຫຼາຍບ່ອນ ແຕ່ຖ້ຳແຫ່ງນີ້ ມີສະພາບຍາກກວ່າທີ່ຄິດໄວ້ 

ພາບໃນຖ້ຳບາງຈຸດ ສະແດງໃຫ້ເຫັນວ່າ ຖ້ຳມີຂະໜາດໃຫຍ່ຫຼາຍ ເມື່ອປີນຂຶ້ນໄປທາງເທິງແລ້ວຫຼຽວລົງມາ ຈະເຫັນວ່າຕົວຄົນແລະເຮືອທີ່ຢູ່ດ້ານລຸ່ມ ມອງເຫັນໃນຂະໜາດນ້ອຍໆ  Cr: NHK

ຖ້ຳແຫ່ງນີ້ ມີຄວາມກວ້າງຫຼາຍ ທຳອິດທີມສຳຫຼວດຄິດວ່າຈະໃຊ້ ໂດຣນ ຖ່າຍໃນຖ້ຳ ແຕ່ໄຟສາຍທີ່ນຳເຂົ້າໄປນຳນັ້ນ ສ່ອງບໍ່ທົ່ວເຖິງ ເລີຍຍົກເລີກໄປ ໄຟສາຍທີ່ທີມສຳຫຼວດນຳເຂົ້າໄປນັ້ນ ເປັນໄຟສາຍທີ່ມີປະສິດທິພາບສູງ ໃຊ້ສະເພາະໃນກອງທັບ ມີປະສິດທິພາບກວ່າໄຟສາຍທຳມະດາເຖິງ 15 ເທົ່າ ແຕ່ຍັງບໍ່ສາມາດສ່ອງໃນຖ້ຳໄດ້ທົ່ວເຖິງ ເນື່ອງຈາກຖ້ຳມີຄວາມກວ້າງຫຼາຍ 

ຕາມທີ່ທີມງານສຳຫຼວດຮູ້ໃນຕອນນີ້ ໃນຖ້ຳບາງຈຸດ ມີຄວາມສູງເຖິງ 120 ແມັດ (ສູງປະມານຊ່ຳຕຶກ 30 ຊັ້ນ) ແລະກວ້າງ 400 ແມັດ ແຕ່ເຖິງຢ່າງໃດກໍຕາມ ນີ້ເປັນພຽງແຕ່ຂໍ້ມູນຂອງການສຳຫຼວດໃນເບື້ອງຕົ້ນ ຖ້ຳແຫ່ງນີ້ອາດມີຂະໜາດໃຫຍ່ກວ່ານີ້ກໍເປັນໄດ້ ເຊິ່ງທີມງານສຳຫຼວດຍັງຈະໄດ້ສຳຫຼວດຕໍ່ໄປ ຈົນກວ່າຈະສຳເລັດພາລະກິດ

Cr: nikkan-spa

ທ່ານ ຄັດຊຶຈິ ໂຍຊິດະ ກ່າວວ່າ ຖ້ຳແຫ່ງນີ້ອາດເປັນຖ້ຳທີ່ໃຫຍ່ທີ່ສຸດຂອງໂລກ ເຊິ່ງທີມງານຈະໄດ້ມີການສຳຫຼວດອີກຕໍ່ໄປ ແລະຈະໄດ້ກະກຽມຜົນການສຳຫຼວດ ແລ້ວລາຍງານໃນກອງປະຊຸມນາໆຊາດ ເພື່ອຮັບຮອງເອົາ ແຕ່ເຖິງຢ່າງໃດກໍດີ ການທີ່ໄດ້ມາສຳຜັດກັບຖ້ຳແຫ່ງນີ້ ແລ້ວໄດ້ມີໂອກາດຖ່າຍພາບ ຖ່າຍວິດີໂອ ກໍຖືວ່າເປັນຄວາມພາກພູມໃຈຢ່າງຍິ່ງ ຂອງທີມງານສຳຫຼວດ ເພາະຍັງບໍ່ທັນມີໃຜເຂົ້າມາສຳຫຼວດໄດ້ໄກເຖິງຂະໜາດນີ້

ທີມງາມສຳຫຼວດ ໃຊ້ເວລາຢູ່ໜຶ່ງເດືອນ ອາໄສຢູໃນຖ້ຳ ສຳຫຼວດຖ້ຳເປັນໄລຍະທາງ ໂດຍລວມ 8 ກິໂລແມັດ ທ່ານ ຄັດຊຶຈິ ໂຍຊິດະ ກ່າວວ່າ ທີມສຳຫຼວດ ຈະໄດ້ເດີນທາງມາຖ້ຳແຫ່ງນີ້ອີກຄັ້ງ ໃນເດືອນພະຈິກ ຂອງທ້າຍປີນີ້ 

ຖ້ຳເມືອງແມດ ແຂວງວຽງຈັນ

ສືບເນື່ອງມາຈາກຂ່າວເລື່ອງຖ້ຳ ສຳລັບທ່ານໃດທີ່ຍັງມີຂໍ້ສົງໄສວ່າ ຂ່າວນີ້ເປັນຈິງຫຼືບໍ່ ເຂົ້າຮັບຊົມວິດີໂອໄດ້ເລີຍ ເປັນລາຍການອອກອາກາດທາງໂທລະພາບຊ້ອງ NHK ຂອງຍີ່ປຸ່ນ ທີ່ໄດ້ອອກອາກາດໃນວັນທີ 16 ກໍລະກົດ 2018 ເວລາ 19:30 - 20:43 ໂມງ ຕາມເວລາທ້ອງຖິ່ນຍີ່ປຸ່ນ ຢູ່ລາວ 17:30 - 18:43 ໂມງ (ວິດີໂອ: kentokoun)

Khianlaoさんの投稿 2018年7月18日水曜日

ຮຽບຮຽງ: Khianlao.com
ທີ່ມາ: NHK


ໂພສຕ໌ນີ້ຖືກໃຈຢູ່ບໍ່? ແບ່ງປັນໃຫ້ເພື່ອນໄດ້ຮູ້ນຳແນ່!

1 comment, 16.3k shares, 1 point

ການຕອບຮັບຂອງທ່ານຕໍ່ໂພສຕ໌ນີ້ເປັນແນວໃດ?

ໃຈຮ້າຍ ໃຈຮ້າຍ
0
ໃຈຮ້າຍ
ບໍ່ມັກ ບໍ່ມັກ
0
ບໍ່ມັກ
ຕາຢ້ານ ຕາຢ້ານ
0
ຕາຢ້ານ
ຮ່າຮ່າຮ່າ ຮ່າຮ່າຮ່າ
0
ຮ່າຮ່າຮ່າ
ໜ້າຮັກ ໜ້າຮັກ
0
ໜ້າຮັກ
ບໍ່ຜ່ານ ບໍ່ຜ່ານ
0
ບໍ່ຜ່ານ
ເສຍໃຈ ເສຍໃຈ
0
ເສຍໃຈ
ປາຕິໂທ໊! ປາຕິໂທ໊!
1
ປາຕິໂທ໊!
ອີຫຍັງຫວະ ອີຫຍັງຫວະ
0
ອີຫຍັງຫວະ
ຮັກເລີຍ ຮັກເລີຍ
0
ຮັກເລີຍ
ສັບສົນ ສັບສົນ
0
ສັບສົນ
ດີໃຈ ດີໃຈ
0
ດີໃຈ
ເສົ້າ ເສົ້າ
0
ເສົ້າ
ແຊບ ແຊບ
0
ແຊບ
ຮ່າເອີຍ ຮ່າເອີຍ
0
ຮ່າເອີຍ
ຖືກໃຈ ຖືກໃຈ
1
ຖືກໃຈ
ຮ່າຈົນເຈັບທ້ອງ ຮ່າຈົນເຈັບທ້ອງ
0
ຮ່າຈົນເຈັບທ້ອງ
ຜ່ານໄດ້ ຜ່ານໄດ້
0
ຜ່ານໄດ້
Pentahuk123

ນັກໂພສຕ໌ອັນດັບ 3

ສະແດງຄຳຄິດເຫັນຂອງທ່ານຜ່ານເຟສບຸ໊ກ

ຄຳເຫັນ

ຄຳຄິດເຫັນ

ເມລຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້

  1. ພູມໃຈໃນສິ່ງທີ່ເຮົາມີ..ແຕ່ກໍຕ້ອງໃຫ້ສົມຈິງເພື່ອໃຫ້ເປັນສົມບັດໃນຂໍ້ຄິດທີ່ຈະພັດທະນາໃຫ້ດີຂຶ້ນຕໍ່ສັງຄົມ

error:
ເລືອກຮູບແບບໂພສຕ໌
Quiz ທົດສອບຄຸນລັກສະນະ
ສ້າງຄຳຖາມທີ່ຫຼາກຫຼາຍເພື່ອທວຍໃຈ
Quiz ທົດສອບປັນຍາ
ສ້າງຄຳຖາມທີ່ຫຼາກຫຼາຍເພື່ອທວຍປັນຫາ
ແບບສຳຫຼວດ
ສ້າງແບບສຳຫຼວດເພື່ອເອົາຂໍ້ມູນຈາກການໂຫວດ
ໂພສຕ໌ທົ່ວໄປ
ສາມາດໃສ່ຮູບແບບໂພສຕ໌ໄດ້ຫຼາກຫຼາຍ
ໂພສຕ໌ແບບຈັດອັນດັບ (1)
ໂພສຕ໌ແບບມີຫົວຂໍ້ຕົວເລກຈັດອັນດັບ
ແບບຈັດອັນດັບຖອຍຫຼັງ
ໂພສຕ໌ແບບມີຫົວຂໍ້ຕົວເລກຈັດອັນດັບຖອຍຫຼັງ
ໂພສຕ໌ແບບຈັດອັນດັບ (2)
ໂພສຕ໌ແບບຈັດອັນດັບ ມີໂຫວດ ສະແດງຄຳເຫັນ
ວິດີໂອ
ໃສ່ວິດີໂອຈາກ Youtube, Facebook, Vimeo