ລາວເຕີບໃຫຍ່ທາງດ້ານເສດຖະກິດສູງເປັນອັນດັບ 1 ໃນ 10 ປະເທດ ໃນພາຍໜ້າລາວຈະຮຸ່ງເຮືອງ


ອີງຕາມຂໍ້ມູນຈາກທີມງານສຳຫຼວດຝັ່ງໄທ ທີ່ໄດ້ເຂົ້າມາສຶກສາກ່ຽວກັບການລົງທຶນຢູ່ ສປປ ລາວ ທີມງານສຳຫຼວດໄທ ໄດ້ປະຊຸມກັບ ທ່ານ ມະໂນທອງ ຈັນທະວົງ ຫົວໜ້າ ກົມສົ່ງເສີມການລົງທຶນ ກະຊວງແຜນການ ແລະການລົງທຶນ ສປປ ລາວ ແລະຮອງຫົວໜ້າ ກົມສົ່ງເສີມການລົງທຶນ ກະຊວງແຜນການ ແລະການລົງທຶນ ທ່ານ ບຸນພັນ ສຸວັນນະວົງ ພ້ອມດ້ວຍພະນັກງານລັດ ຈາກກະຊວງແຜນການແລະການລົງທຶນເຂົ້າຮ່ວມກອງປະຊຸມ ແລະໃນຕອນບ່າຍ ໄດ້ມີການປະຊຸມກັບ ຄະນະຈາກທະນາຄານຮ່ວມພັດທະນາ, ດຣ. ວິວັດ ກິດຕິພົງໂກສົນ ປະທານ ທີ່ປຶກສາ ທີມງານເສດຖະກິດແລະຮອງສະພາບໍລິຫານ, ທ່ານ ສຸນທອນ ຈັນທະວົງ ຮອງປະທານສະພາບໍລິຫານ ແລະຮອງນາຍົກສະພາທະນາຍຄວາມ ແລະຜູ້ອື່ນໆ ເຊິ່ງກ່ອນໜ້ານີ້ ທີມງານສຳຫຼວດໄທ ໄດ້ເຂົ້າຮ່ວມກອງປະຊຸມກັບ ທ່ານ ອຸດົງ ວົງສະຫວາດ ເຈົ້າເມືອງເມືອງຫີນເຫີບ ແຂວງວຽງຈັນ ພ້ອມດ້ວຍຫົວໜ້າໜ່ວຍງານພາກລັດທຸກພາກສ່ວນ

ພາບຈຳລອງລະບົບ BRT (ຮູບພາບປະກອບຈາກ ADB) 

ການປະຊຸມທັງຫຼາຍນີ້ ກໍເພື່ອກະກຽມ ການຄ້າ ການລົງທຶນ ທີ່ຈະເກີດຂື້ນ ໃນ ສປປ ລາວ ຈາກໂຄງການທາງລົດໄຟ 418 ແມັດ ຈາກຂຸນໝິງ ມານະຄອນຫຼວງວຽງຈັນ ເຊິ່ງໂຄງການນີ້ມີມູນຄ່າ 4 ໝື່ນລ້ານຫຍວນ ຫຼື 6.28 ພັນລ້ານໂດລາສະຫະລັດ ແລະທີມງານສຳຫຼວດ ກໍໄດ້ເດີນທາງໄປຊົມການກໍ່ສ້າງທາງຕ່າງໆ ໃນຫຼາຍແຫ່ງດ້ວຍຕາຕົນເອງ ໃນໄລຍະເວລາ 4 ວັນຂອງການເດີນທາງເຂົ້າມາລາວໃນຄັ້ງນີ້ 

ອີງຕາມຂໍ້ມູນທີ່ໄດ້ຮັບຟັງຈາກຜູ້ຮັບຜິດຊອບພາກສ່ວນຫຼາຍແຫ່ງ ພົບວ່າ ລາວ ເປັນປະເທດທີ່ມີການຈະເລີນເຕີບໃຫຍ່ ທາງດ້ານເສດຖະກິດສູງເປັນອັນດັບ 1 ໃນ 10 ປະເທດຂອງປະຊາຄົມອາຊຽນ ຄື ເຕີບໃຫຍ່ສະເລ່ຍ 7.3% ຕໍ່ປີ ຕົວເລກນີ້ ທຸກອົງການເສດຖະກິດຂອງໂລກຕ່າງອອກມາຍອມຮັບ ແຕ່ກໍເປັນທີ່ໜ້າຕົກໃຈໃນຕົວເລກຂອງຄົນຈີນທີ່ເລີ່ມເຂົ້າມາປັກຖານໃນແຜ່ນດິນຂອງ ສປປ ລາວ ບາງອົງການປະເມີນວ່າ ຄົນຈີນທີ່ເລີ່ມອົບພະຍົບເຂົ້າມາຢູ່ໃນແຜ່ນດິນລາວຕອນນີ້ມີຫຼາຍກວ່າ 2 ລ້ານຄົນແລ້ວ ແລະໃນຂະນະນີ້ ກຳລັງເດີນທາງທະຍອຍກັນເຂົ້າມາຢ່າງຕໍ່ເນື່ອງ  ແລະຄາດວ່າຈະຫຼັ່ງໄຫຼເຂົ້າມາຢ່າງຫຼວງຫຼາຍ ເມື່ອເສັ້ນທາງລົດໄຟລາວ-ຈີນ ສຳເລັດການກໍ່ສ້າງໃນປີ 2021 ເມື່ອເຖິງວັນນັ້ນ ການເຂົ້າໄປເຮັດການຄ້າ ການລົງທຶນໃນ ສປປ ລາວ ກໍຈະເປັນເລື່ອງຍາກ ເພາະມີທຶນໃຫຍ່ຈາກຈີນ ເຂົ້າໄປຈັບຈ່ອງໂຄງການຕ່າງໆ ທັງໂຄງການສຳປະທານ ແລະໂຄງການເຊົ່າ ຮຽບຮ້ອຍແລ້ວ

ພາບຈຳລອງລະບົບ BRT (ຮູບພາບປະກອບຈາກ ADB) 

ການເຂົ້າມາຜະລິດໃນ ສປປ ລາວ ເພື່ອງສົ່ງອອກໄປຈີນ ເກົາຫຼີ ແລະຍີ່ປຸ່ນ ປະຢັດເວລາແລະຄ່າໃຊ້ຈ່າຍໃນການຂົນສົ່ງຫຼາຍ ເພາະ ສປປ ລາວ ແລະຫວຽດນາມມີຂໍ້ຕົກລົງກັນບໍລິຫານທ່າເຮືອນ້ຳເລິກ ປະເທດລະ 6 ປີ ບັດນີ້ ລາວສາມາດໃຊ້ທ່າເຮືອຂອງຫວຽດນາມ ປຽບເໝືອນໜຶ່ງໃນທ່າເຮືອຂອງຕົນເອງ ຫຼຸດເວລາການສົ່ງອອກຈາກທ່າເຮືອແຫຼມສະບັງປະມານ 7 ວັນ ແລະຈາກທ່າເຮືອສິງກະໂປ 14 ວັນ

ຈີນ ແລະຜູ້ລົງທຶນຕ່າງປະເທດສ່ວນໜຶ່ງ ເຂົ້າມາເຮັດການຜະລິດໃນແຜ່ນດິນລາວ ເພາະຕ້ອງການໂຄວຕ້າສົ່ງອອກ ໃນຫຼາຍປະເທດໂຄວຕ້າເຕັມ ຫຼືບໍ່ກໍຢູ່ແຕ່ໃນມືສະມາຊິກສະມາຄົມທີ່ມີອິດທິພົນ ແລະບໍ່ຍອມໃຫ້ຜູ້ຫຼິ້ນລາຍໃໝ່ແຊກ ແຕ່ລາວຍັງມີໂຄວຕ້າສົ່ງອອກຜະລິດຕະພັນຕ່າງໆຈຳນວນຫຼວງຫຼາຍ

ຮູບພາບລົດໄຟຄວາມໄວສູງແລ່ນຜ່ານທົ່ງນາຢູ່ຈີນ (ພາບປະກອບຈາກ XINHUA)

ຈາກການທີ່ທີມງານສຳຫຼວດຝັ່ງໄທໄດ້ເຂົ້າມາເກັບກຳຂໍ້ມູນຢ່າງລະອຽດມາເປັນເວລາ 4-5 ປີ ທັງຂໍ້ມູນຈາກໜ່ວຍງານພາກລັດຂອງລາວເອງ ແລະຈາກອົງການລະຫວ່າງປະເທດ ແລະຈາກໜ່ວຍງານຂອງຈີນ ທຸກແຫ່ງສະຫຼຸບກົງກັນວ່າ ໃນອະນາຄົດ ລາວຈະເປັນຜູ້ຫຼິ້ນເບີໃຫຍ່ໃນເລື່ອງພະລັງງານ ໂດຍສະເພາະແມ່ນພະລັງງານໄຟຟ້າ ແລະແຮ່ທາດຕ່າງໆ ທີ່ປະເທດລາວມີຢ່າງຫຼວງຫຼາຍ ເຊິ່ງປັດຈຸບັນນີ້ ຍັງບໍ່ທັນໄດ້ມີການສຳຫຼວດ ທັງ ທອງຄຳ, ທອງແດງ, ແອນທຣາໄຊຕ໌, ອັນຍະມະນີ ແລະອື່ນໆ 

ລາວເປັນປະເທດແລນດ໌ລິງຄ໌ (Land Link) ທີ່ດີທີ່ສຸດປະເທດໜຶ່ງ ເຊື່ອມ 5 ປະເທດ ທັງຈີນ, ມຽນມາ, ໄທ, ຫວຽດນາມ ແລະກຳປູເຈຍ ແຜນການຂອງຈີນໃນຂະນະນີ້ ກໍຄື ຈະເຮັດທາງອີກເສັ້ນໜຶ່ງຈາກຈີນເຂົ້າມາໃນລາວ ແລະເຊື່ອມໄປຍັງກຳປູເຈຍ ໄປອອກສູ່ທະເລທີ່ຈັງຫວັດພຣະສີນຸ ເຖິງແມ່ນວ່າ ໄທຈະບໍ່ໄດ້ເຮັດເສັ້ນທາງລົດໄຟເຊື່ອມກັບລາວແລະຈີນ ແຕ່ຈີນກໍຄົງບໍ່ໄດ້ງໍ້ຫຍັງຫຼາຍ ເພາະກຳປູເຈຍແລະລາວຈະເປັນເຄືອຂ່າຍຂອງຈີນ

ທີ່ມາ: นิติการุณย์ มิ่งรุจิราลัย/thairath


ໂພສຕ໌ນີ້ຖືກໃຈຢູ່ບໍ່? ແບ່ງປັນໃຫ້ເພື່ອນໄດ້ຮູ້ນຳແນ່!

ການຕອບຮັບຂອງທ່ານຕໍ່ໂພສຕ໌ນີ້ເປັນແນວໃດ?

ໃຈຮ້າຍ ໃຈຮ້າຍ
1
ໃຈຮ້າຍ
ບໍ່ມັກ ບໍ່ມັກ
3
ບໍ່ມັກ
ຕາຢ້ານ ຕາຢ້ານ
8
ຕາຢ້ານ
ຮ່າຮ່າຮ່າ ຮ່າຮ່າຮ່າ
4
ຮ່າຮ່າຮ່າ
ໜ້າຮັກ ໜ້າຮັກ
1
ໜ້າຮັກ
ບໍ່ຜ່ານ ບໍ່ຜ່ານ
0
ບໍ່ຜ່ານ
ເສຍໃຈ ເສຍໃຈ
1
ເສຍໃຈ
ປາຕິໂທ໊! ປາຕິໂທ໊!
11
ປາຕິໂທ໊!
ອີຫຍັງຫວະ ອີຫຍັງຫວະ
2
ອີຫຍັງຫວະ
ຮັກເລີຍ ຮັກເລີຍ
1
ຮັກເລີຍ
ດີໃຈ ດີໃຈ
17
ດີໃຈ
ເສົ້າ ເສົ້າ
2
ເສົ້າ
ແຊບ ແຊບ
0
ແຊບ
ຮ່າເອີຍ ຮ່າເອີຍ
1
ຮ່າເອີຍ
ຖືກໃຈ ຖືກໃຈ
27
ຖືກໃຈ
ຮ່າຈົນເຈັບທ້ອງ ຮ່າຈົນເຈັບທ້ອງ
5
ຮ່າຈົນເຈັບທ້ອງ
ຜ່ານໄດ້ ຜ່ານໄດ້
8
ຜ່ານໄດ້
Sithon999

ນັກໂພສຕ໌ອັນດັບ 1

ສະແດງຄຳຄິດເຫັນຂອງທ່ານຜ່ານເຟສບຸ໊ກ

ຄຳເຫັນ

ຄຳຄິດເຫັນ

ເມລຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້

ກົດໄລຄ໌ເພື່ອຕິດຕາມຂ່າວສານຈາກເພຈ
close-link
error:
ເລືອກຮູບແບບໂພສຕ໌
Quiz ທົດສອບຄຸນລັກສະນະ
ສ້າງຄຳຖາມທີ່ຫຼາກຫຼາຍເພື່ອທວຍໃຈ
Quiz ທົດສອບປັນຍາ
ສ້າງຄຳຖາມທີ່ຫຼາກຫຼາຍເພື່ອທວຍປັນຫາ
ແບບສຳຫຼວດ
ສ້າງແບບສຳຫຼວດເພື່ອເອົາຂໍ້ມູນຈາກການໂຫວດ
ໂພສຕ໌ທົ່ວໄປ
ສາມາດໃສ່ຮູບແບບໂພສຕ໌ໄດ້ຫຼາກຫຼາຍ
ໂພສຕ໌ແບບຈັດອັນດັບ (1)
ໂພສຕ໌ແບບມີຫົວຂໍ້ຕົວເລກຈັດອັນດັບ
ແບບຈັດອັນດັບຖອຍຫຼັງ
ໂພສຕ໌ແບບມີຫົວຂໍ້ຕົວເລກຈັດອັນດັບຖອຍຫຼັງ
ໂພສຕ໌ແບບຈັດອັນດັບ (2)
ໂພສຕ໌ແບບຈັດອັນດັບ ມີໂຫວດ ສະແດງຄຳເຫັນ
ວິດີໂອ
ໃສ່ວິດີໂອຈາກ Youtube, Facebook, Vimeo