ຂໍ້ມູນສຳຄັນເຜີຍ ເຂື່ອນມີຮອຍແຕກ 4 ມື້ກ່ອນແລ້ວ ພະນັກງານເກົາຫຼີ ອົບພະຍົບອອກກ່ອນລ່ວງໜ້າ


ບໍລິສັດ SK ທີ່ເປັນຜູ້ຮັບຜິດຊອບເລື່ອງການກໍ່ສ້າງໂຄງການເຊປຽນ-ເຊນ້ຳນ້ອຍ ໄດ້ກ່າວວ່າ ເຂື່ອນບໍ່ໄດ້ແຕກ ແຕ່ຫາກເກີດຈາກນ້ຳລົ້ນເຂື່ອນ ເນື່ອງຈາກຝົນຕົກໜັກ ເຮັດໃຫ້ຫຼາຍຄົນຕ່າງພາກັນວິຈານວ່າ ທີ່ບໍລິສັດອ້າງແນວນີ້ ແມ່ນຍ້ອນວ່າ ບໍລິສັດຢາກ “ຫຼີກລຽງຄວາມຮັບຜິດຊອບ” ທີ່ຈິງແລ້ວ ບໍລິສັດ SK ຮູ້ມາກ່ອນແລ້ວວ່າ ເຂື່ອນມີຮອຍແຕກ

ອີງຕາມການລາຍງານຈາກສຳນັກຂ່າວ AFP ຂອງຝຣັ່ງ ໃນວັນທີ 25 ກໍລະກົດ ບໍລິສັດ SK ໄດ້ອະທິບາຍວ່າ ໃນວັນທີ 22 ກໍລະກົດ ເວລາ 9:00 ໂມງເຊົ້າ ທາງບໍລິສັດໄດ້ພົບວ່າ ພາກສ່ວນດ້ານເທິງຂອງເຂື່ອນ ມີຄວາມເສຍຫາຍ 24 ຊົ່ວໂມງ ກ່ອນທີ່ເຂື່ອນຈະແຕກ ບໍລິສັດ ກ່າວວ່າ ຫຼັງຈາກທີ່ໄດ້ພົບຄວາມເສຍຫາຍດັ່ງກ່າວ ທາງບໍລິສັດໄດ້ມີການລາຍງານທາງພາກລັດທັນທີ່ ເພື່ອອົບພະຍົບຊາວບ້ານອອກຈາກພື້ນທີ່ ແລະການສ້ອມແປງເຂື່ອນກໍມີຄວາມຊັກຊ້າ ເນື່ອງຈາກຝົນຕົກໜັກ ຈຶ່ງມີຄວາມເປັນໄປໄດ້ສູງທີ່ເຂື່ອນຈະແຕກ ດັ່ງນັ້ນ ທາງບໍລິສັດ ບໍ່ມີທາງເລືອກ ຈຶ່ງໄດ້ລະບາຍນ້ຳອອກຈາກເຂື່ອນເຊປຽນ-ເຊນ້ຳນ້ອຍ

ທີ່ຈິງແລ້ວ ຄົນເກົາຫຼີທີ່ເຮັດວຽກຢູ່ພື້ນທີ່ໂຄງການ ໄດ້ພາກັນອົບພະຍົບອອກຈາກພື້ນທີ່ໄປກ່ອນລ່ວງໜ້າແລ້ວ ສຳນັກຂ່າວ CNN ໄດ້ລາຍງານໃນວັນທີ 25 ກໍລະກົດວ່າ ພະນັກງານເກົາຫຼີ 53 ຄົນ ໄດ້ພາກັນອົບພະຍົບອອກຈາກພື້ນທີ່ໄປກ່ອນແລ້ວ ທັງໝົດປອດໄພດີ

(ຮູບພາບ: theguardian)

ເຖິງຢ່າງໃດກໍຕາມ  ສຳນັກຂ່າວ AFP ໄດ້ລາຍງານວ່າ ເຂື່ອນມີຮອຍແຕກມາກ່ອນແລ້ວ ກ່ອນໜ້າທີ່ທາງບໍລິສັດ SK ໄດ້ຊີ້ແຈງໄປນັ້ນ. ບໍລິສັດ KOREA WESTERN POWER CO.,LTD (KOWEPO) ເຊິ່ງເປັນໜຶ່ງໃນບໍລິສັດ ທີ່ຖືຮຸ້ນຢູ່ໃນໂຄງການ ໄດ້ລາຍງານໃຫ້ທາງເກົາຫຼີໄດ້ຮັບຊາບວ່າ ໃນວັນທີ 20 ກໍລະກົດ ໄດ້ພົບປາກົດການຍຸບຕົວ ຂະໜາດ 11 ຊັງຕີແມັດ ຢູ່ເຂື່ອນ. ອີງຈາກບັນທຶກວຽກງານປະຈຳວັນ ຂອງບໍລິສັດ KOWEPO ທີ່ສຳນັກຂ່າວ AFP ໄດ້ຮັບມາ AFP ຈຶ່ງຄາດວ່າ ອາດເປັນໄປໄດ້ທີ່ ບໍລິສັດ KOWEPO ຮູ້ຢູ່ແລ້ວວ່າ ເຂື່ອນມີຮອຍແຕກມາຕັ້ງແຕ່ອາທິດກ່ອນ

ທ່ານ Kim Byung-Sook ປະທານບໍລິສັດ KOREA WESTERN POWER CO.,LTD (KOWEPO) ໄດ້ລາຍງານທີ່ ສະພາແຫ່ງຊາດເກົາຫຼີ ໃນວັນທີ 25 ກໍລະກົດວ່າ ພົບປາກົດການຍຸບຕົວຢູ່ເຂື່ອນ ໃນວັນທີ 20 ກໍລະກົດ ປາກົດການຍຸບຕົວນີ້ເກີດຂຶ້ນຢູ່ 10 ຈຸດ ຢູ່ພາກສ່ວນດ້ານເທິງຂອງເຂື່ອນ ແລະໄດ້ມີການກະກຽມການຟື້ນຟູສະພາບຍຸບຕົວຢູ່ເຂື່ອນດັ່ງກ່າວ ໃນວັນທີ 22 ກໍລະກົດ ແລະໃນເວລາປະມານ 11:00 ໂມງກາງເວັນ ຂອງວັນທີ 23 ກໍລະກົດ ພາກສ່ວນດ້ານເທິງຂອງເຂື່ອນຍຸບຕົວລົງ 1 ແມັດ ຈາກເວລານີ້ເອງ ໄດ້ມີການຮ້ອງຂໍ ການຮ່ວມມືໄປຍັງພາກສ່ວນທີ່ກ່ຽວຂ້ອງ ເພື່ອອົບອົບພະຍົບຊາວບ້ານອອກຈາກພື້ນທີ່

(ຮູບພາບ: Ben C. Solomon/The New York Times)

ໃນເບື້ອງຕົ້ນ ບໍລິສັດ SK ຢືນການວ່າ ເຂື່ອນບໍ່ໄດ້ແຕກ ແຕ່ຫາກແມ່ນນ້ຳລົ້ນເຂື່ອນ ເຊິ່ງເປັນການລາຍງານໃນວັນທີ 24 ກໍລະກົດ ມີ 7 ໝູ່ບ້ານຖືກນ້ຳຖ້ວມ ແລະສູນຫາຍຫຼາຍຮ້ອຍຄົນ ມີ 7,000 ຄົນ ໄດ້ຮັບຜົນກະທົບຈາກເຫດການເຂື່ອນແຕກ ແຕ່ຫຼັງຈາກນັ້ນ ບໍລິສັດ SK ກໍໄດ້ຍອມຮັບ ວ່າເຂື່ອນແຕກ ຈາກກ່ອນໜ້ານີ້ ທີ່ຢືນການວ່າເຂື່ອນບໍ່ໄດ້ແຕກ

ບໍລິສັດ SK ໄດ້ສະແດງຄວາມເສຍໃຈມາຍັງລັດຖະບານລາວ ແລະປະຊາຊົນທີ່ໄດ້ຮັບຜົນກະທົບຈາກເຂື່ອນແຕກ ແລະໃນວັນທີ 26 ກໍລະກົດ ລັດຖະບານເກົາຫຼີ ແລະບໍລິສັດ SK ກໍໄດ້ສົ່ງທີມກູ້ໄພ ພ້ອມດ້ວຍສິ່ງຂອງບັນເທົາທຸກ ໄປຊ່ວຍເຫຼືອຜູ້ປະສົບໄພທີ່ປະເທດລາວ

ຮຽບຮຽງ: Khianlao.com (ທີ່ມາ: chuonippo)


ໂພສຕ໌ນີ້ຖືກໃຈຢູ່ບໍ່? ແບ່ງປັນໃຫ້ເພື່ອນໄດ້ຮູ້ນຳແນ່!

3 comments, 15k shares, 1 point

ການຕອບຮັບຂອງທ່ານຕໍ່ໂພສຕ໌ນີ້ເປັນແນວໃດ?

ໃຈຮ້າຍ ໃຈຮ້າຍ
0
ໃຈຮ້າຍ
ບໍ່ມັກ ບໍ່ມັກ
0
ບໍ່ມັກ
ຕາຢ້ານ ຕາຢ້ານ
0
ຕາຢ້ານ
ຮ່າຮ່າຮ່າ ຮ່າຮ່າຮ່າ
0
ຮ່າຮ່າຮ່າ
ໜ້າຮັກ ໜ້າຮັກ
0
ໜ້າຮັກ
ບໍ່ຜ່ານ ບໍ່ຜ່ານ
0
ບໍ່ຜ່ານ
ເສຍໃຈ ເສຍໃຈ
0
ເສຍໃຈ
ປາຕິໂທ໊! ປາຕິໂທ໊!
0
ປາຕິໂທ໊!
ອີຫຍັງຫວະ ອີຫຍັງຫວະ
0
ອີຫຍັງຫວະ
ຮັກເລີຍ ຮັກເລີຍ
0
ຮັກເລີຍ
ສັບສົນ ສັບສົນ
0
ສັບສົນ
ດີໃຈ ດີໃຈ
0
ດີໃຈ
ເສົ້າ ເສົ້າ
0
ເສົ້າ
ແຊບ ແຊບ
0
ແຊບ
ຮ່າເອີຍ ຮ່າເອີຍ
0
ຮ່າເອີຍ
ຖືກໃຈ ຖືກໃຈ
0
ຖືກໃຈ
ຮ່າຈົນເຈັບທ້ອງ ຮ່າຈົນເຈັບທ້ອງ
0
ຮ່າຈົນເຈັບທ້ອງ
ຜ່ານໄດ້ ຜ່ານໄດ້
0
ຜ່ານໄດ້
Pentahuk123

ນັກໂພສຕ໌ອັນດັບ 3

ສະແດງຄຳຄິດເຫັນຂອງທ່ານຜ່ານເຟສບຸ໊ກ

ຄຳເຫັນ

ຄຳຄິດເຫັນ

ເມລຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້

  1. ຂໍໃຫ້ບໍລິສັດຜູ້ຮັບເໝົາກໍ່ສ້າງຮັບຜິດຊອບທັງໝົດຕໍ່ຜົນເສຍຫາຍ ທັງຊີວິດ ແລະ ຊັບສິນ ຂອງປະຊາຊົນ ໃຫ້ດີກວ່າເກົ່າ ບໍ່ແມ່ນເຮັດມະລຸມມະລ້ວຍ ແລ້ວອ້າງວ່າຊ່ວຍເຫລືອແລ້ວ ຕ້ອງເອົາຂໍ້ມູນຕົວຈິງຕໍ່ກັບຜົນເສຍຫາຍເປັນຫລັກຖານພື້ນຖານໃນການຊ່ວຍເຫລືອ ເຮັດແນວໃດປະຊາຊົນຈິ່ງຈະພໍໃຈ ຕໍ່ກັບການສູນເສຍຄັ້ງຍິ່ງໃຫຍ່ ຂອງພີ່ນ້ອງ ຊາວເມືອງສະຫນາມໄຊ ແຂວງ ອັດຕະປື ຂອງພວກເຮົາ

  2. ບໍວ່າກໍລະນີໃດກໍ່ຕາມບໍລິສັດຜູ້ຮັບເຫມົາກໍ່ສ້າງທັງຫມົດບໍວ່າ ເກົາຫລີ,ໄທຫລືລາວຕ້ອງຮັບຜິດຊອບຄ່າເສຍຫາຍທັງຫມົດຖ້າຈະສ້າງຕໍ່ຕ້ອງໃຫ້ໄປເຮັດບ່ອນພັກອາໃສທີ່ຢູ່ທຳກີນໃຫ້ເຂົາເຈົ້າບ່ອນໄຫມ່ທ

error:
ເລືອກຮູບແບບໂພສຕ໌
Quiz ທົດສອບຄຸນລັກສະນະ
ສ້າງຄຳຖາມທີ່ຫຼາກຫຼາຍເພື່ອທວຍໃຈ
Quiz ທົດສອບປັນຍາ
ສ້າງຄຳຖາມທີ່ຫຼາກຫຼາຍເພື່ອທວຍປັນຫາ
ແບບສຳຫຼວດ
ສ້າງແບບສຳຫຼວດເພື່ອເອົາຂໍ້ມູນຈາກການໂຫວດ
ໂພສຕ໌ທົ່ວໄປ
ສາມາດໃສ່ຮູບແບບໂພສຕ໌ໄດ້ຫຼາກຫຼາຍ
ໂພສຕ໌ແບບຈັດອັນດັບ (1)
ໂພສຕ໌ແບບມີຫົວຂໍ້ຕົວເລກຈັດອັນດັບ
ແບບຈັດອັນດັບຖອຍຫຼັງ
ໂພສຕ໌ແບບມີຫົວຂໍ້ຕົວເລກຈັດອັນດັບຖອຍຫຼັງ
ໂພສຕ໌ແບບຈັດອັນດັບ (2)
ໂພສຕ໌ແບບຈັດອັນດັບ ມີໂຫວດ ສະແດງຄຳເຫັນ
ວິດີໂອ
ໃສ່ວິດີໂອຈາກ Youtube, Facebook, Vimeo