ດື່ມເບຍເພາະຖືກບັງຄັບ ຍ້ອນມີຄວາມເກັງໃຈ ຈຶ່ງດື່ມ ແບບນີ້ຜິດສິນບໍ່? - KHIANLAO.COM

2
0

ໂດຍປົກກະຕິແລ້ວຂ້າພະເຈົ້າບໍ່ດື່ມເບຍ ເພາະຢາກຮັກສາສິນ ແຕ່ກໍມີບາງຄັ້ງ ທີ່ຂ້າພະເຈົ້າອອກງານສັງຄົມ ແລ້ວຜູ້ອາວຸໂສເພິ່ນບັງຄັບໃຫ້ດື່ມ ຍ້ອນຄວາມເກັງໃຈ ຈຶ່ງຕ້ອງດື່ມ ໂດຍທີ່ບໍ່ຢາກດື່ມດອກ ແບບນີ້ຜິດສິນບໍ່?

2
0

ດີແລ້ວທີ່ທ່ານມີຈິດຄິດຢາກຮັກສາສິນ ອະນຸໂມທະນານຳ ອົງປະກອບຂອງການລະເມີດສິນມີຢູ່ 5 ຂໍ້:

  • ຂອງມຶນເມົາ ມີສຸຣາເປັນຕົ້ນ ຢ່າງໃດຢ່າງໜຶ່ງ
  • ຈິດຄິດຢາກຈະດື່ມຂອງມຶນເມົາ
  • ຄວາມພະຍາຍາມເກີດດ້ວຍຈິດນັ້ນ
  • ດື່ມເຂົ້າໄປໃນລຳຄໍ

ຖ້າຄົບ 5 ຂໍ້ນີ້ແມ່ນລະເມີດທັນທີຄັນໄປສະມາທານ ໃນຂະນະທີ່ທ່ານດື່ມນັ້ນ ທ່ານມີຄວາມຍິນດີບໍ່? ເຖິງແມ່ນທ່ານຈະບອກວ່າ “ໂດຍທີ່ບໍ່ຢາກດື່ມດອກ” ກໍຕາມ ແຕ່ໃນວິນາທີນັ້ນ ຄວາມເປັນຈິງເປັນແນວໃດ? ຫາຍາກຄົນທີ່ບໍ່ຍິນດີຕໍ່ການດື່ມອີຫຼີໃນຂະນະດື່ມ ໂດຍສະເພາະຜູ້ທີ່ເຄີຍດື່ມມາກ່ອນ ຍິນດີກັບການດື່ມມາກ່ອນ ແລ້ວມາຮັກສາສິນພໍຊົ່ວຄາວ ແລ້ວມີໂອກາດໄດ້ດື່ມ ແລ້ວກໍອ້າງວ່າສະຖານະການບັງຄັບແນວນັ້ນ ສະນັ້ນ ກໍລະນີຂອງທ່ານຈຶ່ງຕອບຍາກ ທ່ານບອກວ່າບໍ່ຢາກດື່ມ ແຕ່ມືທ່ານຈັບຈອກເບຍລ່ອງເຂົ້າລຳຄຳ ຄັນເຂົາຈັບທ່ານໄວ້ ແລ້ວເຂົາເອົາເບຍລ່ອງເຂົ້າປາກທ່ານເອງ ແລ້ວທ່ານບໍ່ຍິນດີ ອັນນີ້ຍັງພໍຟັງ

ຜູ້ທີ່ມີຄວາມຊື່ກົງຕໍ່ສິນ ມີກຳລັງແຮງກ້າໃນການທີ່ຈະຮັກສາສິນ ເຂົາຍ່ອມບໍ່ລະເມີດຍ້ອນເກັງໃຈ ເພາະແບບນີ້ເອີ້ນວ່າ ມີຄວາມລຳອຽງ ແລະເມື່ອທ່ານມີຄວາມເກັງໃຈທີ່ຈະລະເມີດແນວນີ້ ທ່ານກໍຜິດໂຕເກັງໃຈ ລຳອຽງມີຢູ່ 4

  • ລຳອຽງເພາະຮັກ ຫຼືພໍໃຈ
  • ລຳອຽງເພາະຊັງ ຫຼືຢາກຮ້າຍ
  • ລຳອຽງເພາະຄວາມບໍ່ຮູ້ ໂດຍບໍ່ພິຈາລະນາໃຫ້ຖ່ອງແທ້
  • ລຳອຽງເພາະຢ້ານ ຫຼືເກັງໃຈ

ການຈະຮັກສາສິນແລ້ວຄອງເຮືອນໄປນຳ ເຮັດວຽກໃນສັງຄົມໄປນຳ ພົວພັນກັບສັງຄົມໄປນຳນັ້ນ ເປັນການຍາກທີ່ຈະຮັກສາສິນ ສະນັ້ນ ພຣະພຸດທະເຈົ້າເພິ່ນຈຶ່ງຕຣັສວ່າ ການທີ່ຈະຮັກສາພົມມະຈັນໃນຂະນະຄອງເຮືອນນັ້ນບໍ່ແມ່ນເລື່ອງງ່າຍເລີຍ ດັ່ງນັ້ນ ເພິ່ນຈຶ່ງປົງຜົມແລະໜວດອອກບວດເປັນບັນພະຊິດ ແຕ່ດ່ຽວນີ້ ບວດໄປກະບໍ່ມີຄວາມໝາຍ ເພາະບວດໄປລະເມີດສະສ່ວນໃຫຍ່ ຖ້າບວດຜິດບ່ອນ ບວດບ່ອນທີ່ເຂົາພາລະເມີດ ກະຊວຍໄປອີກ ເພາະຕົນເອງກະຊິເຮັດຄືເຂົາ ຄັນບວດແບບນີ້ ບໍ່ຄວນບວດ ຢູ່ເຮືອນຮັກສາສິນດີກວ່າ ແຕ່ຖ້າທ່ານຢາກຮັກສາສິນແລ້ວຄອງເຮືອນໄປນຳ ກໍຄວນຫຼີກລຽງແນວທີ່ຈະມີຄວາມສ່ຽງອັນສົ່ງຜົນໄປສູ່ການລະເມີດສິນ ຖ້າເຮົາບໍ່ຫຼີກລຽງ ມັນຍ່ອມມີແນວດຶງດູດເຮັດໃຫ້ເຮົາຮັກສາພົມມະຈັນບໍ່ໄດ້ ມັນມີຢູ່ໃນນັ້ນລະ ສະນັ້ນ ໃຫ້ຫຼີກລຽງຄັນຢາກຮັກສາ ຖ້າເຂົາບັງຄັບໃຫ້ດື່ມ ກໍບອກເຂົາໄປວ່າ ດື່ມບໍ່ໄດ້ ຮັກສາສິນ ຊັ້ນຕົ໋ວ ບອກເພິ່ນແນວນີ້ ຄັນເພິ່ນເປັນອາວຸໂສຈິງ ຄືກ່າວມານັ້ນ ເພິ່ນຍ່ອມເຂົ້າໃຈ ເພິ່ນຍ່ອມອະນຸໂມທະນານຳ ແລ້ວບໍ່ບັງຄັບ ແຕ່ຄັນຍັງຂຶນບັງຄັບ ຜູ້ນັ້ນ ບໍ່ແມ່ນອາວຸໂສແລ້ວ ແລະເຮົາກະບໍ່ຄວນໄປເຮັດຕາມ

  • Bounmy
    • Bounmy
    • 9 ເດືອນກ່ອນ
    ຂອບໃຈຫຼາຍໆທີ່ໃຫ້ຄຳຕອບ
ສະແດງຢູ່ 1 ລາຍການ
ປຸ່ມ "ຂຽນຄຳຕອບ" ໃຊ້ສຳລັບຂຽນຄຳຕອບເທົ່ານັ້ນ ຖ້າຢາກສອບຖາມຂໍ້ມູນເພີ່ມເຕີມຈາກຜູ້ຖາມ ໃຫ້ໃຊ້ປຸ່ມ "ຂຽນຄຳເຫັນ" )

ກະລຸນາກ່ອນ

error:
ເລືອກຮູບແບບໂພສຕ໌
Quiz ທົດສອບຄຸນລັກສະນະ
ສ້າງຄຳຖາມທີ່ຫຼາກຫຼາຍເພື່ອທວຍໃຈ
Quiz ທົດສອບປັນຍາ
ສ້າງຄຳຖາມທີ່ຫຼາກຫຼາຍເພື່ອທວຍປັນຫາ
ແບບສຳຫຼວດ
ສ້າງແບບສຳຫຼວດເພື່ອເອົາຂໍ້ມູນຈາກການໂຫວດ
ໂພສຕ໌ທົ່ວໄປ
ສາມາດໃສ່ຮູບແບບໂພສຕ໌ໄດ້ຫຼາກຫຼາຍ
ໂພສຕ໌ແບບຈັດອັນດັບ (1)
ໂພສຕ໌ແບບມີຫົວຂໍ້ຕົວເລກຈັດອັນດັບ
ແບບຈັດອັນດັບຖອຍຫຼັງ
ໂພສຕ໌ແບບມີຫົວຂໍ້ຕົວເລກຈັດອັນດັບຖອຍຫຼັງ
ໂພສຕ໌ແບບຈັດອັນດັບ (2)
ໂພສຕ໌ແບບຈັດອັນດັບ ມີໂຫວດ ສະແດງຄຳເຫັນ
ວິດີໂອ
ໃສ່ວິດີໂອຈາກ Youtube, Facebook, Vimeo