ຢູ່ປາກເຊ ບ່ອນເຮັດໜັງສືຜ່ານແດນຢູ່ໃສ ຕ້ອງກະກຽມຫຍັງແນ່ - KHIANLAO.COM

ໄດ້ຄຳຕອບແລ້ວ
1
0

ສະບາຍດີ ຂໍຖາມເພື່ອນໆແນ່ວ່າ ຢູ່ປາກເຊ ເຮັດໜັງສືຜ່ານແດນຢູ່ບ່ອນໃດ ລະກຽມຫຍັງແນ່ ຂັ້ນຕອນເປັນແນວໃດ

ເປັນຄຳຕອບທີ່ດີສຸດ
2
0

ນີ້ແມ່ນບ່ອນເຂົາເຮັດປຶ້ມຜ່ານແດນປັດຈຸບັນນີ້ ໄດ້ຍິນຕຳຫຼວດບອກວ່າສີ່ແຂວງພາກໃຕ້ມາເຮັດຢູ່ບ່ອນນີ້ ຖ້າເຈົ້າຢູ່ຖະໜົນເລກທີ 13 ໃຕ້ ຂີ່ລົງຮ່ອມຮ້ານຄາຣາໂອເກະ the next ຂີ່ໄປເລີຍແລ້ວ ໂງຊ້າຍ ບ່ອນທາງກະຕຸ໊ກກະຕິກ ເຊິ່ງເປັນເສັ້ນທາງຊອດອອກໄປແຖວຄິງຄ໌ພັບ ຄົງຊິຮູ້ເນາະ ຄິງພັບຄ໌ ຫຼືຊິຂີ່ຈາກຮ່ອມແຖວຄິງຄ໌ພັບລົງມາເລີຍກໍໄດ້ ດ່ຽວນີ້ເຂົາປ່ຽນຊື່ແລ້ວວ່າຈິນດາພັບ ແຕ່ຊື່ຄິງຄ໌ພັບມັນຕິດຫູ ຄຸ້ນດີ ແລະສ່ວນຫຼາຍເຂົາມັກເອີ້ນຊື່ນີ້…

  • ເປີດເບິ່ງປຶ້ມສຳມະໂນຄົວຂອງເຈົ້າກ່ອນ ວ່າຮູບເຈົ້າໃນປຶ້ມສຳມະໂນຄົວນັ້ນມີກາ ປກສ ສີແດງຈ້ຳຢູ່ບໍ່ ຖ້າບໍ່ມີ ບໍ່ໄດ້ ໄປໃຫ້ຕຳຫຼວດຈ້ຳໃຫ້ຢູ່ ປກສ ເມືອງ ແຕ່ຄິດວ່າຄົງຊິບໍ່ໄດ້ດອກ ແຕ່ຖ້າບໍ່ໄດ້ ກະຕ້ອງໄດ້ເຮັດໃໝ່ຢູ່ ປກສ ເມືອງ
  • ບັດປະຈຳຕົວມີແລ້ວບໍ່ ຖ້າບໍ່ມີໃຫ້ໄປເຮັດຢູ່ ປກສ ແຂວງ
  • ຮູບຖ່າຍທີ່ຈະໃຊ້ຕິດໃສ່ແບບຟອມໜັງສືຜ່ານແດນເດມີແລ້ວບໍ່ ຖ້າບໍ່ມີໃຫ້ໄປຖ່າຍ ບອກເຂົາວ່າຖ່າຍຮູບປະກອບເຮັດປຶ້ມຜ່ານແດນ ເຂົາຫາກຊິຮູ້ດອກ ແຕ່ຮູບທີ່ຊິເອົາຕິດປຶ້ມຜ່ານແດນເຈົ້າໂຕແທ້ໆນະ ເຈົ້າໜ້າທີ່ເຂົາຊິຖ່າຍໃຫ້ມື້ເຈົ້າມາສຳພາດ ເຂົາມີກ້ອງຂອງເຂົາສະເພາະຢູ່ນັ້ນ ຢ່າລືມແຕ່ງໂຕ ແຕ່ງໜ້າງາມໆ ຮູບທີ່ຖ່າຍນັ້ນ ບໍ່ມີແອັບແຕ່ງໃດ໋ : ) ຖ່າຍສົດເລີຍ
  • ດາວໂຫຼດແບບຟອມຢູ່ບ່ອນນີ້ ຫຼືບໍ່ຊັ້ນກະໄປຊື້ເອົາຢູ່ບ່ອນເຂົາເຮັດໜັງສືຜ່ານແດນໂລດ ມີຮ້ານອັດເອກະສານຢູ່ນັ້ນເຂົາຂາຍ ປະມານ 2000 – 3000 ນີ້ລະ ບໍ່ແນ່ໃຈ ບໍ່ເຄີຍຊື້ ຕອນຂ້ອຍເຮັດຂ້ອຍດາວໂຫຼດຈາກເວັບໄຊຕ໌ເອົາ
  • ດາວໂຫຼດຟອມມາແລ້ວກະປະກອບຕາມນັ້ນ ອັດບັດປະຈຳຕົວ ຕັດໃຫ້ຊ່ຳກັບກອບສີ່ລ່ຽມທີ່ກຳນົດໃຫ້ໃນແບບຟອມ ແລ້ວລະເອົາຕິດໃສ່ ຢ່າລືມອັດປຶ້ມສຳມະໂນຄົວນຳ ແລ້ວໝົດແລ້ວ ໄປເຊັນນາຍບ້ານ
  • ຄ່າທຳນຽມເຮັດໜັງສືຜ່ານແດນກະຕາມນີ້ລະ ເລືອກເອົາ ວ່າຊິເອົາແບບໃດ ແລ້ວລະບຸໃຫ້ຖືກຕ້ອງເວລາປະກອບແບບຟອມ
  • ເອະສານຄົບໝົດແລ້ວ ເອົາໄປຍື່ນຢູ່ບ່ອນເຮັດໜັງສືຜ່ານແດນໄດ້ເລີຍ ເຂົ້າໄປໂລດຂ້າງໃນ ຖາມເຂົາວ່າຍື່ນຢູ່ໃສ ຊິມີເຈົ້າໜ້າທີ່ຢູ່ໂຕະທາງເຂົ້າ ບາງຄັ້ງກະບໍ່ເຫັນ ຄັນບໍ່ເຫັນ ກະຍ່າງເຂົ້າໄປຫ້ອງເບີ 1 ໂລດ ບອກເຂົາວ່າມາຍື່ນເອກະສານ ເຮັດປຶ້ມຜ່ານແດນ
  • ຈາກນັ້ນ ຄັນເອກະສານເຈົ້າຄົບ ເຂົາຊິເອົາໃບນັດໃຫ້ ນັດມາສຳພາດ ເປັນເຈ້ຍນ້ອຍໆ ເກັບມ້ຽນໃຫ້ດີ ຮອດມື້ກະມາສຳພາດ ເຂົາບໍ່ຖາມຫຍັງຫຼາຍດອກເວລາສຳພາດ ບໍ່ຕ້ອງຫ່ວງ ສ່ວນຫຼາຍບໍ່ເຫັນຖາມຫຍັງ ມີແຕ່ບອກຄ່າທຳນຽມກະແລ້ວ ເພາະມັນຫຼາຍຄົນລໍຖ້າສຳພາດ ຖາມຫຼາຍເສຍເວລາຊື່ໆຕິ ແລ້ວແຕ່ຊິຖືກຕອນໃດ໋້້ເດີ ເວລາເຂົາເອີ້ນ ນັ່ງຖ້າຢູ່ນັ້ນລະ ໄປແຕ່ 8 ໂມງເຊົ້າໂລດ ບາງຄົນນັ່ງຖ້າຈົນຮອດຄ່ຳ 7-8 ພຸ້ນ ຢ່າລືມຖືເງິນຄ່າທຳນຽມມານຳມື້ສຳພາດ ບັດປະຈຳຕົວແລະປຶ້ມສຳມະນະຄົວໂຕແທ້ຖືໄປພ້ອມ ເງິນຄ່າທຳນຽມແມ່ນຈ່າຍໃນມື້ສຳພາດ ສຳພາດແລ້ວ ເຂົາຊິເອົາໃບນັດໃຫ້ ເປັນເຈ້ຍນ້ອຍໆຄືກັນ ເກັບມ້ຽນໃຫ້ດີ ຮອດມື້ ກະຖືເຈ້ຍນ້ອນໆທີ່ເຂົາໃຫ້ຫັ້ນໄປຍື່ນເອົາປຶ້ມໜັງສືຜ່ານແດນຫ້ອງເບີ 20

ເທົານີ້ລະ ເຮັດໜັງສືຜ່ານແດນມັນຊິຍາກຫຍັງ ໂຊກດີ!

ທີ່ມາ: https://khianlao.com/3642/

  • Pentahuk123
    ຂອບບບບບບບບບບບບບບໃຈຫຼາຍໆເດີ ຄົນປາກເຊ!
ສະແດງຢູ່ 1 ລາຍການ
ປຸ່ມ "ຂຽນຄຳຕອບ" ໃຊ້ສຳລັບຂຽນຄຳຕອບເທົ່ານັ້ນ ຖ້າຢາກສອບຖາມຂໍ້ມູນເພີ່ມເຕີມຈາກຜູ້ຖາມ ໃຫ້ໃຊ້ປຸ່ມ "ຂຽນຄຳເຫັນ" )

ກະລຸນາກ່ອນ

error:
ເລືອກຮູບແບບໂພສຕ໌
Quiz ທົດສອບຄຸນລັກສະນະ
ສ້າງຄຳຖາມທີ່ຫຼາກຫຼາຍເພື່ອທວຍໃຈ
Quiz ທົດສອບປັນຍາ
ສ້າງຄຳຖາມທີ່ຫຼາກຫຼາຍເພື່ອທວຍປັນຫາ
ແບບສຳຫຼວດ
ສ້າງແບບສຳຫຼວດເພື່ອເອົາຂໍ້ມູນຈາກການໂຫວດ
ໂພສຕ໌ທົ່ວໄປ
ສາມາດໃສ່ຮູບແບບໂພສຕ໌ໄດ້ຫຼາກຫຼາຍ
ໂພສຕ໌ແບບຈັດອັນດັບ (1)
ໂພສຕ໌ແບບມີຫົວຂໍ້ຕົວເລກຈັດອັນດັບ
ແບບຈັດອັນດັບຖອຍຫຼັງ
ໂພສຕ໌ແບບມີຫົວຂໍ້ຕົວເລກຈັດອັນດັບຖອຍຫຼັງ
ໂພສຕ໌ແບບຈັດອັນດັບ (2)
ໂພສຕ໌ແບບຈັດອັນດັບ ມີໂຫວດ ສະແດງຄຳເຫັນ
ວິດີໂອ
ໃສ່ວິດີໂອຈາກ Youtube, Facebook, Vimeo